The news is by your side.

Advertisement

لاہور: کروڑوں روپے کی لاگت سے تیار ہونے والا ایکسپو فیلڈ اسپتال خالی ہوگیا

لاہور: صوبائی دارالحکومت لاہور میں کروڑوں روپے کی لاگت سے تیار ہونے والا ایکسپو فیلڈ اسپتال خالی ہوگیا۔

تفصیلات کے مطابق کروڑوں روپے کی لاگت سے تیار ہونے والے ایکسپو فیلڈ اسپتال میں کرونا سے متاثرہ ایک بھی مریض نہیں بچا،اسپتال میں زیر علاج تمام مریض ڈسچارج ہو گئے جس کے بعد تینوں ہالز کو بند کر دیا گیا۔

ہوم آئسولیشن پالیسی کے باعث ایکسپو فیلڈ اسپتال میں مریض نہیں آئے۔ایکسپو فیلڈ اسپتال میں 990 بیڈز کا آئسولیشن وارڈ، 10 بیڈز کا ہائی ڈپنڈنسی یونٹ قائم ہیں۔اسپتال کے لیے 110 ڈاکٹرز، نرسز اور پیرامیڈکس کو مختص کیا گیا تھا۔

ذرائع محکمہ صحت کا کہنا ہے کہ ایکسپو فیلڈ اسپتال کو 2 ماہ مزید قائم رکھا جائے گا۔

دوسری جانب ضلعی انتظامیہ نے امتناع وبائی امراض آرڈینس 2020 کے تحت ایکسپو سینٹر کو عارضی طور پر تحویل میں لے لیا۔

پنجاب میں کرونا کے مزید نئے کیسز سامنے آگئے

ترجمان پرائمری اینڈ سیکنڈری ہیلتھ کیئر پنجاب کے مطابق صوبے میں کرونا کے 565 نئے کیسز رپورٹ ہوئے جس کے بعد مریضوں کی مجموعی تعداد 86556 ہوگئی ہے۔

Comments

یہ بھی پڑھیں