اسلام آباد: وزارت تجارت نے کہا ہے کہ 5 سالوں میں پاکستان سے حلال گوشت اور غذا کی برآمدات میں اضافہ ہوا ہے۔
تفصیلات کے مطابق قومی اسمبلی کے اجلاس میں وزارت تجارت نے تحریری جواب دیتے ہوئے بتایا کہ 2019-20 میں حلال گوشت کی برآمدات 311 ملین ڈالرز تھیں، 2022-23 کے دوران حلال گوشت کی پاکستان سے برآمدات 432 ملین ڈالرز ہوگئی۔
ایوان کو وزارت تجارت کی جانب سے بتایا گیا کہ رواں سال پاکستان کی جانب سے 452 ملین ڈالرز کا حلال گوشت برآمد کیا گیا ہے۔
- Advertisement -
2019-20 میں پروسیسڈ غذائی مصنوعات کی برآمدات 329 ملین ڈالرز تھیں، 2022-23 میں 599 ملین ڈالرز کی پروسسڈ غذائی مصنوعات برآمد ہوئیں۔
وزارت تجارت کا کہنا تھا کہ رواں سال 452 ملین ڈالرز کی پروسیسڈ غذائی مصنوعات بیرون ملک برآمد کی گئی ہیں۔
