مالی سال 2015-16ء ، ملکی برآمدات آٹھ سال کی کم ترین سطح تک پہنچ گئی -
The news is by your side.

Advertisement

مالی سال 2015-16ء ، ملکی برآمدات آٹھ سال کی کم ترین سطح تک پہنچ گئی

کراچی: مالی سال 2015-16 ء کے دوران ( جولائی تا جون 2015-16ء ) کے دوران ملکی برآمدات گذشتہ آٹھ سالوں کی کم ترین سطح تک گر گئیں اور 20ارب 80کروڑ ڈالر تک ریکارڈ کی گئیں ۔

ادارہ برائے شماریات پاکستان (پی بی ایس) کے جاری کردہ اعدادو شمار کے مطابق گزشتہ مالی سال (جولائی تا جون 2014-15ء (کے دوران 23 ارب 66 کروڑ 70لاکھ ڈالرکی برآمدات کی گئیں ، جو حال ہی میں ختم ہونے والے مالی سال جولائی تا جون 2015-16ء کے دوران2 ارب 86 کروڑ 50 لاکھ ڈالر کی کمی سے 20 ارب80 کروڑ 20 لاکھ تک پہنچ گئیں۔

اس طرح گذشتہ سال کے مقابلے میں برآمدات میں 12.11 فیصد کمی واقع ہوئی ، دوسری جانب سے ملکی درآمدات گذشتہ سال ( جولائی تا جون 2014-15ء ) کے دوران 45 ارب 82کروڑ 60 لاکھ ڈالر تھیں ۔

امسال جولائی تا جون 2015-16ء کے دوران ایک ارب 6 کروڑ 10لاکھ ڈالر کم ہو کر 44 ارب 76کروڑ 50 لاکھ ڈالر کی سطح پر پہنچ گئیں ، اس طرح درآمدات میں 2.32 فیصد کمی ریکارڈ کی گئی۔

اعداد و شما ر کے مطابق گذشتہ مالی سال کے دوران تجارتی خسارہ جو 22 ارب 15کروڑ 90لاکھ ڈالر تھا ، رواں سال کے دوران ایک ارب 70کروڑ 40 لاکھ ڈالر کے اضافے کے ساتھ 23 ارب ایک 96کروڑ 30 لاکھ ڈالر کی سطح پر پہنچ گیا، اس طرح تجارتی خسارے میں 8.14 فیصد اضافہ ریکارڈ کیا گیا۔

Comments

comments

یہ بھی پڑھیں