The news is by your side.

Advertisement

پاکستان اور برطانیہ کے درمیان سزا یافتہ مجرمان حوالگی کے معاہدے کو حتمی شکل دے دی گئی

اسلام آباد: پاکستان اور برطانیہ کے درمیان سزا یافتہ مجرمان حوالگی کے معاہدے کو حتمی شکل دے دی گئی، برطانیہ سے حتمی مشاورت کے بعد معاہدے کو دستخط کے لئے پیش کیا جائے گا۔

تفصیلات کے مطابق پاکستان اور برطانیہ کے درمیان ریٹرنزاینڈریڈمیشن اور مجرمان حوالگی معاہدوں سے متعلق اجلاس ہوا، خصوصی کابینہ کمیٹی کا اجلاس وزیر داخلہ شیخ رشید احمد کی زیر صدارت ہوا۔

جس میں وزیر خارجہ مخدوم شاہ محمود قریشی ،وفاقی وزیر شیریں مزاری ، مشیر داخلہ واحتساب بریگیڈیئر (ر)مصدق عباسی ، وفاقی سیکرٹری داخلہ یوسف نسیم کھوکھر سمیت دیگراعلی حکام نے شرکت کی۔

کابینہ منظوری کے بعد کمیٹی نے ریٹرنز اینڈ ریڈمیشن معاہدے کو حتمی شکل دے دی ، برطانیہ سے حتمی مشاورت کے بعد معاہدے کو دستخط کے لئے پیش کیا جائے گا۔

گزشتہ ماہ کابینہ منظوری کے بعد معاہدے کو مشاورت کیلئے برطانوی حکومت کو بھیجا گیا تھا، معاہدے کو پاکستان اور برطانیہ کے درمیان دستخط کے لئے جلد پیش کیا جائے گا، معاہدے سے صرف ایسے شہریوں کو واپس لانے کی اجازت ہوگی جن کو متعلقہ عدالتیں سزائیں سنا چکی ہوں گی۔

کابینہ کمیٹی نے پاک برطانیہ مجرمان حوالگی معاہدے کو بھی جلد مکمل کرنے اور مجرمان حوالگی معاہدے سےمتعلق مزید مشاورت کرنے کا فیصلہ کرلیا۔

مجرمان حوالگی معاہدہ طے پانے سے پاکستان اور برطانیہ کے درمیان سزا یافتہ افراد کی حوالگی ممکن ہوسکے گی۔

Comments

یہ بھی پڑھیں