لندن: برطانوی دارالحکومت لندن میں کرکٹ کھیلنے والے منچلے نوجوانوں نے پولیس کی دوڑیں لگوادیں۔
برطانوی میڈیا رپورٹس کے مطابق لاک ڈاؤن کی صورتحال میں احتیاطی تدابیر کو نظر انداز کر کے کرکٹ کھیلنے والے 2 درجن سے زائد افراد پولیس کو دیکھ کر فرار ہوگئے۔
منظر عام پر آنے والی ویڈیو میں دیکھا جا سکتا ہے کہ کورونا وائرس کے خوف سے بے پرواہ منچلے نوجوان کرکٹ کھیل کر اپنی اور دوسرے کی زندگیوں کو داؤ پر لگا رہے ہیں۔
ایجوئر کے علاقے میں اطلاع ملنے پر مقامی پولیس گراؤنڈ میں پہنچی تو کرکٹرز فرار ہوگئے اور پولیس کسی شخص کو بھی گرفتار نہ کر سکی۔
میڈیا رپورٹس میں بتایا گیا ہے کہ 25 سے 30 افراد سماجی فاصلے برقرار رکھے بغیر ایک جگہ جمع ہو کر میچ سے لطف اندوز ہو رہے تھے۔
برطانیہ میں مہلک وبا کو پھیلنے سے روکنے کے لیے لاک ڈاؤن ہے اور ہر قسم کے اجتماعات کے ساتھ ساتھ لوگوں کے جمع ہونے پر پابندی عائد ہے۔
Officers from @MPSKensalGreen were tasked to deal with people not following government rules. What we found in Chandos Recreation Ground NW9 is ridiculous!! 20-30 males playing cricket and running away after seeing police @MPSBrent #StayHomeSaveLives pic.twitter.com/pVpUU3WXLV
— Kensal Green Police (@MPSKensalGreen) April 7, 2020
پولیس ایسے افراد کے خلاف کارروائی کررہی ہے جو وائرس کو پھیلانے والی کسی سرگرمی کا حصہ بن رہے ہیں اور لاک ڈاؤن کی خلاف ورزیوں کر رہے ہیں۔
