The news is by your side.

Advertisement

دریائے سندھ میں شدید سیلاب کا خدشہ، الرٹ جاری

سکھر: فلڈ فورکاسٹنگ ڈویژن نے دریائے سندھ میں شدید سیلاب کا الرٹ جاری کرتے ہوئے کہا سیلاب سے کچے کے علاقے مکمل طور پر زیر آب آسکتے ہیں۔

تفصیلات کے مطابق فلڈ فورکاسٹنگ ڈویژن نے دریائے سندھ میں شدید سیلاب کا خدشے کے پیش نظر الرٹ جاری کردیا، فلڈ فورکاسٹنگ ڈویژن کا کہنا ہے کہ گدو کے مقام پر کل اور سکھر بیراج کے مقام پر بدھ کو انتہائی اونچے درجے کے سیلاب کا خدشہ ہے، جس سے کچے کے علاقے مکمل طور پر زیر آب آسکتے ہیں۔

فلڈ فورکاسٹنگ ڈویژن نے کچے کے علاقے کے عوام کی جان ومال کو محفوظ بنانے کے لیے اقدامات کی ہدایت جاری کی ہے اور کہا گدو بیراج کے مقام پر دریائے سندھ پر پانی کا بہاؤ پانچ لاکھ کیوسک ہے اور پانی کی آمد میں مسلسل اضافہ ہورہا ہے۔

فلڈ فورکاسٹنگ ڈویژن کے مطابق سکھر بیراج پر پانی کی آمد چار لاکھ بیس ہزار کیوسک ہے اس وقت درمیانے درجے کا سیلاب ہے اور پانی کا بہاؤ مسلسل بڑھ رہا ہے۔

تونسہ کے مقام پر پانی کا بہاؤ چار لاکھ چھپن ہزار کیوسک ہو گیا، تربیلا کے مقام پر دریائے سندھ میں پانی کا بہاؤ ایک لاکھ اسی ہزار کیوسک ہے جبکہ منگلا ڈیم کے مقام پر پانی کا بہاؤ پچھہتر ہزار کیوسک اور ہیڈ مرالہ پر دریائے چناب اور نوشہرہ پردریائے کابل میں پانی کابہاؤمعمول کے مطابق ہے۔

دوسری جانب محکمہ موسمیات اورآبپاشی کی پیشگوئی غلط ثابت ہوئیں ، گڈوبیراج پر کل کے بجائے آج ہی اونچےدرجے کا سیلاب آگیا، پیش گوئی کی گئی تھی کے8ستمبرکواونچےدرجےکاسیلاب ہوگا۔

گڈوبیراج پر پانی کی آمد5لاکھ523کیوسک،اخراج4لاکھ77ہزار5 کیوسک ریکارڈ کی گئی جبکہ سکھربیراج پرپانی کی آمد4 لاکھ 20ہزار 125کیوسک اور اخراج3لاکھ86ہزار630 کیوسک ہے۔

Comments

یہ بھی پڑھیں