تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

دھندلا پن ختم کرنے والے آئی ڈراپس تیار

واشنگٹن: امریکی طبی سائنس دانوں نے نظر کے دھندلے پن کے شکار افراد کے لیے حیرت انگیز آئی ڈراپس تیار کر لیے ہیں۔

تفصیلات کے مطابق چالیس سال کے بعد بہت سارے لوگ نظر کی دھندلاہٹ کی پریشانی کا شکار ہو جاتے ہیں، تاہم اب ایسے لوگوں کے لیے اچھی خبر ہے کہ ایک خاص قسم کے قطرے تیار کیے گئے ہیں جو اس دھندلاہٹ کو ختم کر سکتے ہیں۔

یہ کارنامہ امریکی سائنس دانوں نے انجام دیا ہے، جس کی مدد سے پریسبائے اوپیا (presbyopia) نامی بیماری کے شکار لوگ فائدہ اٹھا سکیں گے۔

اس بیماری کی وجہ سے کتاب پڑھنے میں دشواری کا سامنا ہوتا ہے، اور کمپیوٹر کے استعمال کے دوران نظر دھندلی ہو جاتی ہے، یہ بیماری عمومی طور پر 40 سال سے زائد عمر کے افراد کو متاثر کرتی ہے، جب وہ کسی چیز ہر دھیان دیتے ہیں تو نظر دھندلاہٹ کی شکار ہو جاتی ہے۔

اس مسئلے سے نجات کے لیے طبی ماہرین نے مؤثر ترین آئی ڈراپس تیار کر لیے ہیں، امریکی فوڈ اور ڈرگ اتھارٹی (ایف ڈی اے) نے اس آئی ڈراپس کے کلینکلی استعمال کی اجازت دے دی ہے۔

یہ دوا الرجن نامی کمپنی نے تیار کی ہے، اس کا اثر 15 منٹ کے اندر شروع ہوتا ہے اور 6 گھنٹے تک برقرار رہتا ہے، آئی ڈراپ کی قیمت 79 ڈالر رکھی گئی ہے۔

تاہم طبی ماہرین نے خبردار کیا ہے کہ نظر کی کمی کے شکار لوگ اس دوا سے فائدہ نہیں اٹھا سکتے۔

Comments

- Advertisement -