The news is by your side.

Advertisement

اینکر قتل کیس: عینی شاہد ندیم کی خود کشی کی کوشش

کراچی: شہر قائد کے علاقے ڈیفنس میں نجی ٹی وی اینکر مرید عباس سمیت 2 افراد کے قتل کے واقعے کے عینی شاہد نے خود کشی کی کوشش کی ہے۔

تفصیلات کے مطابق کراچی میں اینکر مرید عباس قتل کیس کے عینی شاہد ندیم نے خود کشی کی کوشش کی، عینی شاہد کو اسپتال داخل کر کے طبی امداد دی جا رہی ہے۔

ذرایع کا کہنا ہے کہ عاطف زمان کا ڈرائیور ندیم جناح اسپتال میں زیر علاج ہے، ادھر تفتیشی ذرایع کا کہنا ہے کہ ندیم کو بیان لینے کے لیے تفتیشی پولیس نے طلب کیا تھا مگر وہ نہیں آیا۔

خیال رہے کہ ملزم عاطف زمان کی جائیداد اور زیر استعمال گاڑیوں کی تفصیلات کا پتا بھی لگایا جا چکا ہے، عاطف زمان کے پاس نیا ناظم آباد میں ایک پلاٹ، نیشنل ہائی وے پر 2 ایکڑ کی زمین ہے جب کہ 4 لگژری گاڑیاں ان کی ملکیت میں ہیں۔

یہ بھی پڑھیں:  اینکر مرید عباس قتل، کروڑوں کے معاملے کی تحقیقات اب نیب کرےگا

تفتیشی ذرایع کا کہنا تھا کہ ملزم عاطف زمان کی ملکیت میں ڈیفنس میں 2 فلیٹ بھی ہیں، ایک فلیٹ میں مقتول مرید عباس اور ایک میں عاطف زمان رہتا تھا۔

چند روز قبل پولیس نے ملزم عاطف زمان کا تفصیلی بیان ریکارڈ کیا تھا جس میں ملزم قتل کی وارداتوں کا اعتراف کر چکا ہے۔

واضح رہے کہ اینکر مرید عباس قتل کیس میں ایک ارب روپے سے زاید کے مالی فراڈ کا معاملہ سامنے آیا تھا جس پر تحقیقاتی ٹیم نے نیب کو تفتیش کی درخواست کر دی تھی۔

Comments

یہ بھی پڑھیں