تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

گستاخانہ مواد: فیس بک انتظامیہ تعاون پر آمادہ، وفد پاکستان بھیجنے کا اعلان

اسلام آباد : گستاخانہ مواد کی روک تھام کے لیے وزارتِ داخلہ کی جانب سے دو ٹوک موقف اختیار کرنے کے بعد فیس بک انتظامیہ تعاون کے لیے تیار ہو گئی ہے جلد اپنا وفد پاکستان بھیجے گی۔

تفصیلات کے مطابق فیس بک انتظامیہ نے وزارتِ داخلہ پاکستان کے ساتھ گستاخانہ موادکی روک تھام کی کوشش میں مثبت پیش رفت کا اظہار کرتے ہوئے اپنا وفد پاکستان بھیجنے پر رضا مند ہو گئی ہے۔


*سوشل میڈیا سے تمام گستاخانہ مواد آج ہی بلاک کیا جائے ،جسٹس شوکت عزیز صدیقی


وزارتِ داخلہ کے ترجمان کے مطابق فیس بک انتظامیہ نے اپنا وفد پاکستان بھیجنے پر رضامندی کا اظہار کیا ہے جو قابل اعتراض مواد ہٹانے کے لیے پاکستان کےتحفظات دور کرے گی اور اس کے سدباب کے لیے اہم اقدام اُٹھانے میں پاکستان کی مدد کرے گا۔


*فیس بک پر گستاخانہ مواد اپ لوڈ کرنے والوں کی نشاندہی کے لیے اشتہار جاری


وزارتِ داخلہ کا کہنا ہے کہ گستاخانہ مواد ہٹانے کے حوالے سے فیس بک نے ایک فوکل پرسن بھی نامزد کردیا ہے جو پی ٹی اے حکام کے ساتھ رابطے میں رہے گا اور اس حوالے سے مشترکہ کاوشیں کی جائیں گے۔


*گستاخانہ مواد شیئر کرنے والوں کے خلاف ہر حد تک جائیں گے: وزیر داخلہ


اس حوالے سے فیس بک انتظامیہ کی جانب سے ایک مراسلہ جاری کیا گیا ہے جس کے متن میں کہا گیا ہے کہ گستاخانہ مواد پرحکومتِ پاکستان کے تحفظات سے آگاہ ہیں اور مشاورت سے اس مسئلےکاحل نکالناچاہتے ہیں جس کے لیے ایک وفد بھی پاکستان بھیجا جائے گا۔

Comments

- Advertisement -