تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

فیس بک بانی 1 گھنٹے میں 3 ارب ڈالر کمانے میں کامیاب

کیلی فورنیا: فیس بک کے بانی مارک زکربرگ ایک گھنٹے کے دوران 3 ارب ڈالرز کمانے میں کامیاب ہوگئے، انہوں نے یہ رقم ویب سائٹ سے حاصل ہونے والے منافع سے حاصل کی جس کے بعد اُن کی دولت میں بے پناہ اضافہ ہوگیا۔

فیس بک کی جانب سے جاری سہ ماہی رپورٹ میں بتایا گیا ہے کہ انتظامیہ اور بانی فیس بک نے گزشتہ سال ریکارڈ منافع حاصل کیا جس کے باعث فیس بک کے حصص کی قیمت میں 2.2 فیصد اضافہ دیکھنے میں آیا۔

فیس بک اعلامیے کے مطابق یہ منافع ریکارڈ شمار کیا جارہا ہے کیونکہ اس سے قبل مارک زکر برگ کی دولت میں کبھی اتنا اضافہ دیکھنے میں نہیں آیا، فیس بک کو سہ ماہی میں جو بھی فائدہ حاصل ہوا اس سے مارک زکر برگ کی دولت میں اضافہ ہوا۔

سہ ماہی رپورٹ کے مطابق 3 ارب ڈالر کے اضافے کے نتیجے میں مارک زکر برگ کے مجموعی اثاثے 59 ارب ڈالرز تک جا پہنچے جس کے بعد وہ اس وقت دنیا کے 5 ویں امیر ترین انسان میں شامل ہوگئے۔

پڑھیں: ’’ آپ کی فیس بک پروفائل آپ کی شخصیت کی عکاس ‘‘

رپورٹ کے مطابق فیس بک کو حاصل ہونے والے منافع کی اصل وجہ صارفین کی تعداد میں اضافہ ہے، فیس بک کے ماہانہ متحرک صارفین کی تعداد 1 ارب 84 کروڑ تک پہنچ چکی ہے جو گزشتہ سال کے مقابلے میں 21 فیصد زیادہ ہے۔

فیس بک اعلامیے کے مطابق روزانہ کی بنیاد پر 1.23 ارب لوگ اپنی آئی ڈیز پر آتے ہیں، صارفین کی بڑھتی ہوئی تعداد کو دیکھتے ہوئے انتظامیہ نے اس امید کا اظہارکیا ہے کہ کسی بھی وقت فیس بک 2 ارب کا ہندسہ عبور کرسکتی ہے۔

مزید پڑھیں: ’’ فیس بک نے اپنے ہی بانی کو مردہ قرار دیدیا ‘‘

نئے اعداد و شمار کے مطابق فیس بک کے سب سے زیادہ صارف ایشیاء میں پائے جاتے ہیں جہاں روزانہ 39 کروڑ 60 لاکھ افراد فیس بک استعمال کرتے ہیں۔

گزشتہ 2 سال میں ایشیا میں فیس بک کے صارفین میں 57 فیصد اضافہ ہوا ہے جو کہ کسی بھی خطے میں موجود فیس بک کے صارفین کی تعداد میں تیز ترین اضافہ ہے جب کہ ایشیاء میں فیس بک کی آمدن میں بھی 15 مہینوں میں دُگنا اضافہ دیکھنے میں آیا۔

Comments

- Advertisement -