The news is by your side.

Advertisement

دل کی دھڑکن کو مانیٹر کرنے والا فیس ماسک

کرونا وائرس کی وجہ سے مختلف اقسام کے ماسک ہماری روز مرہ کی ضرورت بن چکے ہیں اور اب ماہرین اس میں نئی نئی تبدیلیاں کر رہے ہیں۔

امریکا کی نارتھ ویسٹرن یونیورسٹی کے سائنسدانوں نے ایک ایسا اسمارٹ فیس ماسک تیار کیا ہے جو کئی طرح کا طبی ڈیٹا ٹریک کرسکے گا۔

فیس بٹ نامی اس این 95 ماسک کے اندر ایک سنسر نصب ہے جو متعدد طرح کے طبی ڈیٹا کی جانچ کرتا ہے۔

یہ سنسر سر کی حرکت کے ساتھ خون پمپ ہونے سے دل کی دھڑکن کی جانچ پڑتال کرتا ہے، جبکہ ماسک سے سانس لیک ہونے یا ناقص فٹنگ سے بھی آگاہ کرتا ہے۔

اس طرح یہ سنسر متعدد عوارض کو شناخت کرنے میں مدد فراہم کرسکتا ہے۔ دل اور سانس کے ڈیٹا سے یہ بھی معلوم ہوتا ہے کہ آپ تناؤ کا شکار تو نہیں یا آپ کو کام سے وقفے کی ضرورت ہے۔

اس ماسک میں موجود سنسر کو چارج نہیں کیا جا سکتا، حالانکہ پروٹو ٹائپ ماڈل میں بیٹری موجود ہے مگر سنسر سانس کی طاقت، حرارت، حرکت اور سورج سے ماسک کی زندگی کو 11 دن تک بڑھا سکتا ہے۔

ماہرین بتدریج اس ماسک کو بیٹری فری بنانا چاہتے ہیں۔ ابھی یہ ماسک کلینکل ٹرائلز اور دیگر ٹیسٹوں سے گزارا جارہا ہے جس کے بعد اسے مارکیٹ میں پیش کردیا جائے گا۔

Comments

یہ بھی پڑھیں