فیس بک پر لڑکیوں کو بلیک میل کرنے والا ملزم گرفتار -
The news is by your side.

Advertisement

فیس بک پر لڑکیوں کو بلیک میل کرنے والا ملزم گرفتار

کراچی: فیس بک پر خوبرو لڑکوں کی تصویریں لگا کر لڑکیوں کو اپنی طرف مائل کرنے اور بلیک میل کرنے والا ملزم سائبر کرائم سیل کی گرفت میں آ گیا۔

تفصیلات کے مطابق ملزم شاہد محمود سماجی رابطوں کی ویب سائٹ فیس بک پر جعلی آئی ڈیز کے ذریعے لڑکیوں کو دوست بنا کر بلیک میل کرتا تھا، شکایت پر ایف آئی اے نے گرفتار کر لیا۔

ملزم شاہد لڑکیوں کو شادی کا جھانسا دے کر تصاویر حاصل کرتا تھا۔

معلوم ہوا ہے کہ ملزم شاہد محمود کراچی کا ایک جنریٹر آپریٹر ہے، فیس بک پر لڑکیوں کو دوست بنانے کے بعد ان سے تصاویر مانگتا اور پھر لڑکیوں کو ملاقات کے لیے بلاتا۔

تاہم لڑکیوں کی جانب سے ملاقات سے انکار پر ان کی تصاویر وائرل کرنے کی دھمکیاں دیتا، ملزم شاہد دوست بننے والی لڑکیوں کو شادی کا جھانسا بھی دیتا۔

کہا گیا کہ فیس بک پر لڑکیاں ملزم کی لگائی گئی خوبرو نوجوانوں کی تصاویر دیکھ کر متاثر ہو جاتیں اور پھر اس کے ساتھ دوستی کر لیتیں۔

ملزم شاہد محمود نے اپنے بیان میں کہا کہ اس نے عمر علی خان کے نام سے کئی فیک آئی ڈیز بنائی تھیں اور فیس بک پر ایک پیج بھی بنا رکھا تھا، جہاں اس نے بہ یک وقت کئی لڑکیوں کو اپنے جال میں پھانس رکھا تھا۔


یہ بھی پڑھیں:  فیس بک پر جعلی آئی ڈی بنا کر شہری کو بلیک میل کرنے کا الزام میں پشتو گلوکارہ گرفتار


ملزم شاہد نے مزید بتایا کہ لڑکیاں ملنے سے انکار کر دیتیں تو پھر ماں کی بیماری کا ڈھونگ رچا کر ان سے پیسے مانگتا، نہ دینے پر تصاویر وائرل کرنے کی دھمکی دیتا۔

ملزم نے اپنی فیس بک آئی ڈی پر سرکاری ادارے کی وردی میں تصویریں بھی لگا رکھی تھیں۔

Comments

comments

یہ بھی پڑھیں