The news is by your side.

Advertisement

نیا فیچر: اب فیس بک سے کھانا منگوائیں

واشنگٹن: فیس بک نے امریکی صارفین کے لیے نیا فیچر متعارف کرایا ہے جس کو استعمال کرتے ہوئے اب کھانا یا دیگر چیزیں منگوائی جاسکتی ہیں۔

تفصیلات کے مطابق سماجی رابطے کی سب سے بڑی ویب سائٹ فیس بک دیگر کے مقابلے میں سبقت حاصل کرنے کے لیے آئے روز نت نئے تجربات کرتی ہے تاکہ صارفین کی دلچپسی کو مزید بڑھایا جاسکے۔

فیس بک انتظامیہ نے امریکی صارفین کے لیے ایک نیا فیچر ’آرڈر فوڈ‘ کے نام سے متعارف کروایا ہے جس کو استعمال کرتے ہوئے کھانا یا چیزیں منگوائی جاسکیں گی۔

فیس بک کے صدر ڈور داش کا کہنا ہے کہ اب صارفین فیس بک پر اپنے آرڈر بک کرواسکتے ہیں، نیا فیچر فی الحال امریکا میں متعارف کروایا گیا ہے تاہم یہ سہولت مستقبل میں اور ممالک میں بھی دستیاب ہوگی۔

انہوں نے کہا کہ نامور ریسٹورنٹ اب معاہدے کے تحت فیس بک صارفین کو اُن کے مطلوبہ آرڈر بھیجیں گے، آئندہ آنے والے وقتوں میں دیگر اداروں کے ساتھ بھی معاہدے کیے جائیں گے تاکہ صارفین اس سروس سے اچھی طرح محظوظ ہوسکیں۔

فیس بک کے نئے فیچر سے چیزیں منگوانے والے صارفین کریڈٹ کارڈ کے ذریعے رقم کی ادائیگی کریں گے تاہم آئندہ وقتوں میں انتظامیہ کھانے یا دیگر چیزوں کی ادائیگی کے لیے ذیلی نظام متعارف کروانے کا ارادہ رکھتی ہے۔

واضح رہے کہ فیس بک کی انتظامیہ اس فیچر پر گزشتہ ایک برس سے کام کررہی تھی جس میں بالآخر کامیابی مل ہی گئی جس کے بعد یہ فیچر اینڈرائیڈ اور آئی فون صارفین کے لیے متعارف کروادیا گیا۔

 یاد رہے کہ دنیا بھر میں فیس بک کے صارفین کی تعداد دن گزرنے کے ساتھ بڑھتی جارہی ہے اور اب تک یہ تعداد کروڑوں میں پہنچ چکی ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں