The news is by your side.

Advertisement

فیس بک نے مشعال خان کے اکاؤنٹ کو ‘یادگاری اکاؤنٹ’ کا درجہ دے دیا

پشاور : مردان کی عبدالولی خان یونیورسٹی میں تشدد کے نتیجے میں جاں بحق ہونے والے طالبعلم مشعال خان کو فیس بک کی جانب سے خراج عقیدت پیش کیا گیا ہے۔

تفصیلات کے مطابق مردان کی عبدالولی خان یونیورسٹی کے طا لبعلم مشعال خان کو خراج عقیدت پیش کرنے کے لیے فیس بک نے ان کے اکاﺅنٹ کو ‘یادگاری اکاﺅنٹ’ کا درجہ دے دیا، فیس بک نے مشعال خان کے اکاؤنٹ پر لکھا کہ ‘ ایسی جگہ جہاں دوست اور رشتے دار اکھٹے ہوکر اس شخص کی یادیں شیئر کریں گے جو دنیا سے چلا گیا’۔

اس کا مقصد ان کے دوست احباب اور لوگوں کو یہ موقع فراہم کرنا ہے کہ وہ اس اکاؤنٹ پر جا کر مشال خان کو خراج عقیدت پیش کر سکیں۔

خیال رہے کہ فیس بک کی جانب سے کسی صارف کے اکاؤنٹ کو اس کی یاد سے منسوب کرتے ہوئے اس پر “ریمیمبرنگ” کا لفظ لکھ دیا جاتا ہے۔

واضح رہے کہ  مردان میں عبدالولی خان یونیورسٹی کے طالب علم مشال خان کو گزشتہ جمعرات کو یونیورسٹی کے مشتعل طلبا کے ہجوم نے وحشیانہ تشدد کا نشانہ بنا کر موت کے گھاٹ اتار دیا تھا ۔


مزید پڑھیں : مشعال کے خلاف توہین رسالت کا کوئی ثبوت نہیں ملا، آئی جی


آئی جی خیبر پختونخوا نے تحقیق کے حوالے سے میڈیا کو بریفنگ دی تھی، جس میں انکا کہنا تھا کہ توہین رسالت کے حوالے سے کوئی شواہد نہیں ملے، مشال پر غلط الزام عائد کر کے قتل کیا گیا جبکہ مشعال خان قتل کیس میں 6 یونیورسٹی ملازمین سمیت 22 افراد کو گرفتار کرلیا ہے  اور شواہد جمع کرنے کے لیے ایف آئی اے سے مدد مانگی ہے۔

سپریم کورٹ کے چیف جسٹس جسٹس میاں ثاقب نثار نے بھی مشال خان کے بہیمانہ قتل کا از خود نوٹس لیتے ہوئے آئی جی خیبر پختونخوا کو 36 گھنٹے میں تفصیلی رپورٹ پیش کرنے کی ہدایت کی تھی۔

 

Print Friendly, PDF & Email

Comments

comments

یہ بھی پڑھیں