The news is by your side.

Advertisement

فیس بک کی الیکشن کمیشن کو انتخابات 2018 سے متعلق خصوصی ٹرینڈ بنانے کی پیشکش

اسلام آباد: سماجی رابطے کی مقبول ویب سائٹ فیس بک نے الیکشن کمیشن کو انتخابات  2018 سے متعلق خصوصی ٹرینڈ بنانے کی پیشکش کردی ہے، اہم دنوں سے متعلق فیس بک الیکشن کمیشن کی تشہیری مہم بھی چلائے گا۔

تفصیلات کے مطابق سماجی رابطے کی ویب سائٹ فیس بک انتظامیہ نے الیکشن کمیشن آف پاکستان سے رابطہ کیا اور 25 جولائی کوانتخابات سے متعلق خصوصی ٹرینڈ بنانے کی پیشکش کردی ہے۔

فیس بک انتطامیہ کا کہنا ہے کہ سوشل میڈیا پر سیاسی جماعتوں کے فیک پیجز کے خاتمے میں مدد کرسکتے ہیں۔

ذرائع کے مطابق فیس بک الیکشن کمیشن کی 8300 سروس کی پروموشن بھی کرےگا اور اہم دنوں سے متعلق الیکشن کمیشن کی تشہیری مہم بھی چلائےگا۔

الیکشن کمیشن ذرائع کا کہنا ہے کہ الیکشن کمیشن پاکستان کاتاحال فیس بک پرآفیشل پیج نہیں ہے، فیس بک کی آفر کے بعد الیکشن کمیشن کا آفیشل پیج بنانے پر غور کررہی ہے ، جس کے لئے الیکشن کمیشن کے آئی ٹی ونگ نے سفارشات چیف الیکشن کمشنر کو بھجوا دیں۔


مزید پڑھیں : فیس بک کے جعلی اکاؤنٹس پاکستان میں عام انتخابات پراثر انداز ہو سکتے ہیں، مارک زکر برگ


ذرائع کے مطابق الیکشن کمیشن حتمی منظوری کے بعدفیس بک انتظامیہ کوجواب دے گا۔

یاد رہے کہ رواں سال اپریل میں فیس بک کےمالک مارک زکر برگ نے خدشہ ظاہر کیا تھا کہ نے فیس بک کے جعلی اکاؤنٹ رکھنے والے اس سال پاکستان میں ہونے والےعام انتخابات پراثر انداز ہو سکتے ہیں لیکن  پوری کوشش ہوگی کہ پاکستان میں الیکشن پر فیس بک کے ذریعے کوئی اثراندازنہ ہو۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں