site
stats
پاکستان

فیس بک اکاؤنٹس موبائل فون سے منسلک کرنے کی پاکستانی درخواست مسترد

واشنگٹن: فیس بک انتظامیہ نے پاکستان کی فیس بک اکاؤنٹ موبائل فون سے منسلک کرنے کی درخواست مسترد کردی۔

تفصیلات کے مطابق حکومت پاکستان نے فیس بک انتظامیہ سے رابطہ کیا اور جعلی اکاؤنٹس بنا کر فیس بک پر توہین مذہب اور دوسرا قابل اعتراض مواد کی اشاعت روکنے کے لیے فیس بک کی انتظامیہ سے درخواست کی۔

جس میں کہا گیا تھا کہ کہ فیس بک پاکستان میں اپنے صارفین کے اکاؤنٹس موبائل فون نمبر سے منسلک کر دے تاکہ ڈیٹا بیس کے ذریعے ان کا کھوج لگا کر ایسے واقعات کو روکا جا سکے۔

فیس بک انتظامیہ نے پاکستانی درخواست مسترد کردی اور کہا کہ پاکستان کے حوالے سے پالیسی میں کوئی تبدیلی نہیں آئی، مطالبہ صارفین کے حقوق کے تحفظ کے پیش نظر مسترد کیا گیا، صارفین کی نجی معلومات کا تحفظ کرتے رہیں گے۔

پاکستان نے توہین مذہب، قابل اعتراض مواد کی اشاعت روکنے کیلئے فیس بک انتطامیہ سے رابطہ کیا تھا۔

خیال رہے کہ پاکستان میں تمام موبائل نمبرز کی بائیومیٹرک نظام کے تحت تصدیق کی جاتی ہے لہذا اگر تمام فیس بک اکاؤنٹس موبائل نمبر سے منسلک ہوجائیں تو جعلی اکاؤنٹس کے شر سے کافی حد تک نمٹاجاسکتا ہے۔

یاد رہے چند روز قبل وزیر داخلہ چوہدری نثار کی فیس بک کے نائب صدر جوئل کپلان سے ملاقات ہوئی تھی، ملاقات میں ویب سائٹ سے توہین آمیز مواد ہٹانے کے اقدامات پر تبادلہ خیال کیا گیا تھا، فیس بک کے نائب صدر نے وزیر داخلہ کو یقین دلایا تھا کہ نہ صرف جعلی اکاونٹس بند کر دیں گے بلکہ دہشت گردی اور تشدد کی وجہ بننے والے نفرت آمیز اور غیراخلاقی مواد ہٹانے کی کوشش بھی کریں گے۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top