سان فرانسسکو: سماجی رابطے کی سب سے بڑی ویب سائٹ فیس بک نے اہم فیچر ہٹادیا۔
بین الاقوامی میڈیا رپورٹس کے مطابق فیس بک انتظامیہ نے فیس بک میں تازہ ترین تبدیلی تکنیکی بنیادی پر کرتے ہوئے اہم ترین فیچر ہٹادیا۔
فیس بک نے میسنجر کو بغیر کسی اکاؤنٹ کے سوشل نیٹ ورکنگ کمپنی کا استعمال کرنے کی صلاحیت ختم کردی ہے۔
واضح رہے کہ اس سے قبل نئے صارفین فیس بک اکاؤنٹ کی بجائے اپنے فون نمبر کر استعمال کرکے میسنجر یا میسنجر لائٹ ایپ تک رسائی حاصل کرسکتے تھے لیکن اب ایسا ممکن نہیں ہوگا۔
انتظامیہ کے مطابق اب صارفین کو میسنجر، وینچر بائٹ نوٹ استعمال کرنے والے دوستوں کے ساتھ چیٹ کرنے کے لیے فیس بک اکاؤنٹ کی ضرورت ہوگی۔
مزید پڑھیں: فیس بک کا اینڈرائیڈ سسٹم پر انحصار ختم کرنے کا فیصلہ
یہ تازہ ترین تبدیلی واٹس ایپ اور انسٹاگرام سمیت اپنی تمام خدمات کے تکنیکی بنیادی ڈھانچے کو یکجا کرنے کے کمپنی کے منصوبے کے تحت کی گئی ہے۔
یاد رہے کہ چند روز قبل فیس بک انتظامیہ نے اینڈرائیڈ سسٹم پر انحصار ختم کرکے اپنا آپریٹنگ سسٹم متعارف کرانے کا فیصلہ کیا تھا۔
فیس بک نے نئے آپریٹنگ سسٹم کی تیاری کے لیے ونڈوز این ٹی تیار کرنے والے سافٹ ویئر انجینئر مارک لیوکوسکی کی سربراہی میں ایک ٹیم تشکیل دی جس نے ڈیزائن و دیگر چیزیں مکمل کرلی ہیں۔