The news is by your side.

Advertisement

فیس بک کا جعلی خبریں پھیلانے والےصفحات بند کرنے کا فیصلہ

سانس فرانسسکو: فیس بک نے جعلی خبریں پھیلنے والے پیجز کو اشتہارات نہ دینے اور انہیں جلد بند کرنے کا فیصلہ کرلیا ہے۔

تفصیلات کے مطابق فیس بک انتظامیہ نے جعلی خبریں پھیلانے والے پیجز (صفحات) کے خلاف حتمی اقدامات اختیار کرنے کا فیصلہ کرلیا اور اب جعلی خبریں پھیلانے والے پیجز کو اشتہارات نہیں دیے جائیں گے اور ان کو نشاندہی کے بعد بلاک کردیا جائے گا۔

اپنی بلاگ پوسٹ میں فیس بک انتظامیہ کا کہنا تھا کہ گزشتہ ایک سال کے دوران جعلی خبریں پھیلانے والے متعدد پیجز بند کیے گئے ہیں تاہم آئندہ جعلی خبریں پھیلانے والے صفحات پر کوئی بھی اشتہار نہیں دیا جائے گا۔

پڑھیں: فیس بک یوٹیوب کو پچھاڑنے کے لیے تیار

منتظمین کا کہنا ہے کہ ’’کوئی بھی تھرڈ پارٹی اب اس بات کی پابند ہوگی کہ وہ جعلی خبر پھیلانے والے پیجز کو اشتہارات نہ دے تاہم اگر کسی نے خلاف ورزی کی تو اُس کے خلاف بھی اقدامات کیے جائیں گے‘‘۔

فیس بک ڈائریکٹر لیتھرن نے کہا کہ ’’اب ہم جعلی خبریں پھیلانے والے صفحات کے خلاف حتمی کارروائی کرنے جارہے ہیں جس کے بعد ایسے پیجز پر نہ صرف اشتہارات کی سروس بند کی جائے گی بلکہ انہیں نشاندہی کے بعد بلاک بھی کردیا جائےگا‘‘۔

مزید پڑھیں: فیس بک کا روبوٹ سائنسدانوں کے قابو سے باہر

انہوں نے کہا کہ ’’ہم فیس بک پر جعلی خبریں پھیلانے والوں کے خلاف ہیں اور کسی کو اس بات کی اجازت نہیں دے سکتے کہ وہ غلط خبر پھیلا کر ویب سائٹ پر افراتفری پیدا کرے‘‘۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں