تازہ ترین

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

فیس بک کی اگلی پراڈکٹ کیا ہوگی؟ مارک زکربرگ نے بتادیا

صارفین کا انتظار ختم، فیس بک بانی نے اسمارٹ عینک متعارف کرانے کی خوشخبری سنادی ہے۔

اسمارٹ عینک کے بارے میں مارک زکر برگ نے صارفین کو بتایا کہ فیس بک کی اگلی پراڈکٹ "رے بین” کی اسمارٹ عینک ہوگی جسے ایسیللور لیکسٹیکا کارپوریشن کے اشتراک سے متعارف کرایا جائے گا۔

فیس بک کے بانی نے بتایا کہ یہ عینک عام عینکوں کی طرح ہی دکھائی دے گی، تاہم یہ عینک کب لانچ ہوگی اور کس طرح کام کرے گی؟ اس حوالے سے تفصیلات نہیں بتائی گئیں لیکن امید کی جارہی ہے کہ رواں برس کے اختتام تک یہ صارفین کیلئے دستیاب ہوگی۔

رپورٹ کے مطابق فیس بک کی اسمارٹ عینک پہننے پر صارف کی آنکھوں کے سامنے ایک گرافک پر مشتمل ڈسپلے نمایاں ہوگا، صارف ان سے کالز کرسکے گا، اس کے علاوہ اپنی موجودہ جگہ کو لائیو اسٹریم اور دیگر بہت کچھ کرسکے گا۔

رپورٹ کے مطابق یہ اسمارٹ عینک اسمارٹ فون کی جگہ لینے کی اہل ہوگی۔

گزشتہ برس برازیل کے کمپیوٹر سائنسدان ہیوگو برا کی جانب سے اسمارٹ عینک کا ایک ٹیزر جاری کیا گیا تھا جس میں بتایا گیا تھا کہ ٹیکنالوجی کی دنیا میں یہ کس طرح بڑی تبدیلی ثابت ہوگا۔

Comments

- Advertisement -