سری لنکا میں عوام حکومت کے خلاف سڑکوں پر نکلی تو وزیراعظم راجا پکسے استعفیٰ دے کر بھاگنے پر مجبور ہوگئے اور ان کی جگہ چھ بار وزیراعظم رہنے والے رانیل وکرم سنگھ دوبارہ منصب پر فائز ہوگئے۔
سری لنکن کے موجودہ حالات پر متعدد ویڈیو سوشل میڈیا کی زینت بنیں جس میں کچھ ویڈیوز ایسی بھی تھیں جو کسی اور واقعے کی تھیں جسے سابق سری لنکن وزیراعظم راجا پکسے کے بیٹے سے جوڑا گیا۔
ایسی ہی ایک ویڈیو سوشل میڈیا پر وائرل ہوئی جس میں دیکھا جاسکتا ہے کہ لگژری گاڑیوں کو آگ لگائی جارہی ہے لیکن وہ گاڑیاں راجا پکسے کے بیٹے کی نہیں تھیں۔
Sri Lanka PM Rajapaksa’s sons had Rolls Royce, Lamborghini, Ferrari, Mclaren etc. See what happened to them yesterday.. pic.twitter.com/aPZr10XNCN
— JSP🏴🇲🇾🏴 (@JsPalani) May 11, 2022
سری لنکن میڈیا فیکٹ چیک کے ساتھ مذکورہ ویڈیو شیئر کرنے والے صارف کا نام شیئر کیا اور بتایا کہ اس ویڈٰو کو اب تک دس ہزار سے زائد مرتبہ ری ٹویٹ کیا گیا اور 16 ہزار کے لگ بھگ لائکس ملے لیکن یہ ویڈیو جعلی ہے۔
علاوہ ازیں اسی طرح کی ویڈیوز واٹس ایپ پر بھی موصول ہوئیں جس میں اس کی حقیقت کی جانچ کرنے کی درخواست کی گئی تھی جس سے ظاہر ہوتا ہے کہ اسی ویڈیو کو نجی میسجنگ ایپس میں بھی بڑے پیمانے پر شیئر کیا جارہا ہے۔
بعدازاں ویڈیو کی حقیقت سامنے آئی اور مذکورہ لگژری گاڑیاں جلانے کی ویڈیو سری لنکا کے مری گاما روڈ ایونرا گارڈن کی ہے جس میں گاڑیوں میں آگ لگ گئی تھی اور تمام گاڑیاں جل کر تباہ ہوگئی تھیں۔
