اسلام آباد: کرونا لاک ڈاؤن کی وجہ سے ان دنوں وفاقی دارالحکومت میں جنگلی چیتوں کے شاہراہوں پر گھومنے کی ویڈیوز سامنے آرہی ہیں۔
شہرِ اقتدار کے مکینوں نے لاک ڈاؤن کے بعد سے اب تک متعدد بار مارگلا ہلز کی پہاڑیوں پر اندھیرا ہوتے ہی چیتوں کو سڑکوں پر مٹر گشت کرتے دیکھا جس کی وجہ سے اُن میں بھی خوف پایا جاتا ہے۔
محکمہ جنگلی حیات کے افسر کے مطابق مارگلا پہاڑیوں کے نیشنل پارک میں چیتوں کے تین خاندان آباد ہیں، جنہوں نے کرونا لاک ڈاؤن کے بعد شہریوں کی غیر موجودگی کا فائدہ اٹھایا اور انسانی آبادی کا رخ کیا۔ اُن کا یہ بھی کہنا تھا کہ ممکنہ طور پر چیتے خوراک کی تلاش کے لیے سڑکوں پر آرہے ہیں۔
علاوہ ازیں رواں ہفتے میں ہی دو بار گاڑی میں سفر کرنے والے شہریوں نے مارگلا ہلز کے راستے میں علیحدہ علیحدہ اوقات میں دو چیتے دیکھے جن کی ویڈیوز انہوں نے سماجی رابطے کی ویب سائٹ پر شیئر بھی کیں۔
A leopard seen on the roadside in Nathiagali at around 8:30pm yesterday night 🐆 😱
Via Zunair Kamboh #BeautifulPakistan pic.twitter.com/w4Th7RvFVf— Danyal Gilani (@DanyalGilani) April 13, 2020
اب سے کچھ دیر قبل سماجی رابطے کی ویب سائٹ پر ایک صارف نے ویڈیو شیئر کی۔ انہوں نے بتایا کہ یہ ویڈیو ان کو کسی نے بھیجی اور بتایا کہ چیتا اسلام آباد مارگلا ہلز پر واقع ایک گھر میں دروازہ کود کر داخل ہوا اور اُس نے اندر موجود کتے کو دبوچنے کی کوشش کی۔
مزید پڑھیں: اسلام آباد، لاک ڈاؤن کے دوران ’’چیتے‘‘ نے لوگوں کو خوفزدہ کردیا
ویڈیو میں دیکھا جاسکتا ہے کہ چیتے نے کتے کو پشت سے پکڑا اور اُس کو مارنے کی کوشش کی مگر وہ کامیاب نہ ہوسکا اور پھر وہ دیوار کود کر وہاں سے بھاگ گیا۔
Just received this video of a leopard jumping into a house on/near Margalla Road in Islamabad. It grabbed the dog and ran away when someone (not seen) scared it with a gun. That’s what the post read. How things seem to be becoming different. Wild life is now peeping into homes 😀 pic.twitter.com/ChaZzW3d5r
— MasoodSharif Khattak (@MSharifKhattak) April 16, 2020
جب اس ویڈیو کو چیک کیا گیا تو معلوم ہوا کہ یہ واقعہ چار روز قبل بھارت میں پیش آیا جس کی ویڈیو ٹائمز آف انڈیا نے اپنی ویب سائٹ پر شیئر کی اور واقعے کی مکمل تفصیل بیان کی تھی۔
دراصل یہ واقعہ بھارتی ریاست گجرات میں واقع اونا ہاؤسنگ سوسائٹی میں پیش آیا تھا جس کی سی سی ٹی وی فوٹیج چار روز قبل انٹرنیٹ پر شیئر کی گئی تھی۔
