کراچی : بلدیہ خیبر چوک کے قریب کارخانے میں لگنے والی آگ کافی جدوجہد کے بعد قابو پالیا گیا، تاہم آگ لگنے کی وجہ معلوم نہ ہوسکی فائربریگیڈ کی5گاڑیوں اور ایک باؤزر کا عملہ آگ پر قابو پانے میں مصروف تھا۔
تفصیلات کے مطابق کراچی کے علاقے بلدیہ ٹاؤن میں قائم کارخانے میں اچانک ۤگ بھڑک اُٹھی جس کے نتیجے میں گودام کی چھت گرگئی،
اطلاع ملتے ہیں فائر بریگیڈ کی تین گاڑیاں جائے وقوعہ روانہ کی گئیں، تاہم بھڑکنے والی آگ کے شعلوں اتنے شدید تھے کہ مزید دو گاڑیوں کو طلب کیا گیا۔
کارخانے میں لگنے والی آگ پر قابو پانے کیلئے مجموعی طور پر فائربریگیڈ کی5گاڑیاں اور ایک باؤزر جائے وقوعہ پر موجود تھیں, فائربریگیڈحکام کا کہنا ہے کہ فیکٹری کے اطراف کے مکانوں کو خالی کرالیا گیا تھا۔
چودہ سے15 پلاٹوں پر مشتمل کمپاؤنڈ مکمل طور پر خوفناک آگ کی لپیٹ میں تھا، دشوار گزار راستوں اور ٹوٹی پھوٹی سڑکوں کی وجہ سے فائرٹینڈرز کو پہنچنے میں شدید مشکلات درپیش رہیں۔
پولیس کے مطابق پرانےجوتوں کے گودام میں کروڑوں روپے مالیت کا مال موجود تھا جو جل کر راکھ ہوگیا، علاقہ میکنوں کا کہنا ہے کہ فائر بریگیڈ کی گاڑیاں بہت تاخیر سے پہنچیں۔
آگ بجھنے کے بعد کولنگ کے عمل کا آغاز کیا گیا، فائربریگیڈ حکام کا کہنا ہے کہ آگ لگنے کی وجوہات سامنے نہ آسکیں تاہم کولنگ کے بعد صورتحال واضح ہوگی۔
