ابوظبی : پی ایس ایل 6 کی ٹیم کوئٹہ گلیڈی ایٹرز کے بیٹسمین اور سابق جنوبی افریقی کپتان فاف ڈیوپلیسی نے صحت یابی کے بعد اپنے مداحوں اپنی خیریت سے آگاہ کیا ہے لیکن ساتھ انہوں نے ایک خدشے کا بھی اظہار کیا۔
پاکستان سپر لیگ(پی ایس ایل) سکس میں کوئٹہ گلیڈی ایٹرز کے بلے باز فاف ڈیو پلیسی پشاور زلمی کے خلاف میچ میں دوران فیلڈنگ انجری کا شکار ہو گئے تھے جس کے بعد انہوں نے کچھ یاد داشت کھونے کی شکایت کی ہے۔
ہفتے کو ابوظبی میں پشاور زلمی کے خلاف میچ کے دوران باؤنڈری بچانے کی کوشش میں سابق ڈیو پلیسی کا محمد حسنین سے تصادم ہو گیا تھا۔
36سالہ بلے باز زمین پر گراؤنڈ پر ہی ڈھیر ہو گئے تھے اور گلیڈی ایٹرز کے فزیو تھراپسٹ کی جانب سے ابتدائی معائنے کے بعد انہیں اسپتال منتقل کیا گیا تھا۔ تاہم سابق جنوبی افریقی کپتان نے اب تصدیق کی ہے کہ وہ بہتر محسوس کررہے ہیں اور اگلے میچ کے لیے فٹ ہیں۔
Thank you everyone for all the messages of support. I'm back at the hotel recovering. Have concussion with some memory loss but I will be fine. Hopefully be back on the field soon. Much love. ❤️
— Faf Du Plessis (@faf1307) June 13, 2021
انہوں نے سماجی رابطوں کی ویب سائٹ ٹوئٹر پر پیغام میں مداحوں کے تعاون کا شکریہ ادا کرتے ہوئے کہا کہ میں ہوٹل میں آ کر روبصحت ہوں، بے ہوشی کے بعد مجھے یادداشت کھونے کی کچھ شکایت ہوئی لیکن اب بہتر محسوس کررہا ہوں، امید ہے جلد میدان میں واپسی ہوگی۔
واضح رہے کہ فاف ڈیو پلیسی کے زخمی ہونے کے بعد کوئٹہ گلیڈی ایٹر کی ٹیم میں ان کی جگہ صائم ایوب کو بطور متبادل کھلاڑی شامل کیا گیا تھا۔ اس سے قبل آندرے رسل بھی اسلام آباد کے خلاف میچ کے دوران ممحمد موسیٰ کی گیند سر پر لگنے کے سبب نیم بے ہوشی کا شکار ہو گئے تھے۔
رسل کا فزیو نے معائنہ کیا تھا اور انہیں مزید طبی معائنے کے لیے اسپتال منتقل کردیا گیا تھا جبکہ ان کی جگہ میدان میں نسیم شاہ آئے تھے۔ کوئٹہ گلیڈی ایٹرز کا اگلا میچ آج لاہور قلندرز سے ہوگا۔
