The news is by your side.

Advertisement

متحدہ عرب امارات میں رہنے والے پاکستانیوں کے لیے بڑی خوشخبری، جیتو پاکستان پروگرام کے انعقاد کا اعلان

دبئی: پاکستانی اداکار اور اے آر وائی ڈیجیٹل کے سب سے بڑے انعامی شو کے میزبان فہد مصطفیٰ نے متحدہ عرب امارات میں جیتو پاکستان کے  پروگراموں کے انعقاد کا اعلان کردیا۔

دبئی میں نمائندہ اے آر وائی سے خصوصی گفتگو کرتے ہوئے فہد مصطفیٰ کا کہنا تھا کہ ہم متحدہ عرب امارات بشمول دبئی میں جیتو پاکستان کے 8 پروگرامز کا انعقاد کریں گے۔

اُن کا کہنا تھاکہ جیتو پاکستان گیم شو کے پروگراموں کا انعقاد ابوظہبی، شارجہ، دبئی میں کیا جائے گا جس میں صرف پاکستانیوں کو ہی شرکت کی اجازت ہوگی، وہ حصہ لے کر انعامات جیت سکتے ہیں۔

’متحدہ عرب امارات اور خلیجی ممالک میں ہم 8 پروگراموں کا انعقاد عوامی خواہشات کے مطابق کرنے جارہے ہیں، جس میں انٹرٹینمنٹ، انعامات کی بھرمار ہوگی اور حصہ لینے والے شرکاء سونا، گاڑی سمیت دیگر قیمتی تحائف جیت سکیں گے‘۔

یاد رہے کہ اے آر وائی ڈیجیٹل پر نشر ہونے والے پاکستان کے سب سے بڑے گیم شو جیتو پاکستان کو ناظرین بہت پسند کرتے ہیں یہی وجہ ہے کہ گزشتہ برس اس شو کو ٹیلی ویژن پر سب سے زیادہ دیکھنے کا اعزاز بھی حاصل ہوا۔

جیتو پاکستان میں مختلف مزاحیہ کردار کرنے پر بھی خوش قسمتوں کو واشنگ مشین، مائیکرویوز اور موٹر سائیکل سمیت گاڑی و پچاس تولہ سونا انعام میں دیا جاتا ہے جبکہ شو میں مختلف سوالات کے جوابات دینے پر حاضرین کو عمرے کا ٹکٹ، موبائل فون سمیت دیگر تحائف دیے جاتے ہیں۔

Comments

comments

یہ بھی پڑھیں