The news is by your side.

Advertisement

ایدھی صاحب وینٹی لیٹر پر ہیں،صحت کے لیے دعا کی جائے،فیصل ایدھی

کراچی: ممتاز سماجی کارکن عبد الستار ایدھی کی طبیعت بگڑ گئی ہے، ایدھی صاحب کے صاحبزادے فیصل ایدھی نے پریس یکانفرنس کے ذریعے قوم سے دعا کی درخواست کی ہے۔

تفصیلات کے مطابق عبدالستارایدھی جو اس ایس آئی یو ٹی میں زیرِ علاج ہیں،آج انہیں سانس لینے میں دشواری کے سبب اسپتال انتظامیہ نے آئی سی یو منتقل کر دیا ہے جہاں وہ وینٹی لیٹر پر ہیں۔

اسپتال انتظامیہ نے طبعیت بگڑنے کے بعد اہل خانہ کو اسپتال طلب کر لیا جہاں ایدھی صاھب کے صاحبزادے فیصل ایدھی نے پریس کانفرنس کی ، انہوں نے کہا کہ آج صبح ڈائلیسیزکے بعد ایدھی صاحب سانس لینے میں دشواری محسوس کر رہے تھے جس کے بعد ڈاکٹرز نے انہیں آئی سی یو منتقل کر دیا جہاں وہ ابھی وینٹی لیٹر پر ہیں۔

مکمل تفصیلات جانیے : سانس لینے میں دشواری،عبد الستار ایدھی آئی سی یو منتقل

ایک سوال کے جواب میں فیصل ایدھی نے کہا کہ ایدھی صاحب کئی پچیدہ امراض میں مبتلا ہیں وہ ذیابیطس، بلڈ پریشر اور گردوں کے مرض میں مبتلا ہیں کچھ عرصے قبل ان کے دونوں گردے فیل ہو گئے تھے۔

فیصل ایدھی نے مزید بتایا کہ ہم گردوں کی تبدیلی کے خواہاں تھے تا ہم ڈاکٹرز نے ایدھی صاحب کی عمر زیادہ ہونے کے باعث گردے کی تبدیلی کا منع کر دیا تھا۔

اس موقع پر فیصل ایدھی نے پوری قوم سے درخواست کی ہے کہ وہ ایدھی صاحب کی صحت کے لیے دعا کریں اگلے 6 سے 8 گھنٹے اُن کے لیے بہت اہمیت کے حامل ہیں،انہوں نے بتایا کہ ایدھی صاحب بطعیت کی بحالی تک وینٹی لیٹر پر رہیں گے۔

عبدالستار ایدھی کی اہلیہ بلقیس ایدھی بھی پریس کانفرنس میں فیصل ایدھی کے ہمراہ تھیں، اُن کی آنکھیں نم تھیں اور وہ جذبات پر قابو نہیں رکھ پا رہی تھیں اس لیے انہوں نے پریس کانفرنس سے خطاب بھی نہیں کیا۔

Print Friendly, PDF & Email

Comments

comments

یہ بھی پڑھیں