اسلام آباد : سینیٹرفیصل جاوید کا کہنا ہے کہ دوطرفہ تعلقات کے حوالے سے وزیراعظم عمران خان کا دورہ بہت ہی کامیاب رہا اور دورے کے نتیجے میں دوطرفہ تعلقات مزید بہتر ہوئے ہیں۔
تفصیلات کے مطابق سینیٹرفیصل جاوید نے اےآروائی نیوز سے گفتگو کرتے ہوئے وزیراعظم عمران خان کے دورہ سعودی عرب سے متعلق بتایا کہ دوطرفہ تعلقات کےحوالےسےدورہ بہت ہی کامیاب رہا، دونوں ممالک نےباہمی معاشی،تجارتی اورثقافتی تعلقات مزیدمستحکم کرنےکاعزم کیا۔
فیصل جاوید کا کہنا تھا کہ سعودی عرب میں وزیراعظم کی ہر لحاظ سےعزت افزائی خوش آئند ہے، وزیراعظم کے دورے کے نتیجے میں دوطرفہ تعلقات مزید بہتر ہوئے ہیں۔
خیال رہے وزیراعظم عمران خان سعودی عرب کے کامیاب دورے کے بعد وطن واپس پہنچ گئے ، دورے کے دوران وزیراعظم کی سعودی قیادت سےاہم ملاقاتیں ہوئیں جبکہ اہم معاہدوں پر دستخط کیے گئے۔
مشترکہ اعلامیے میں کہا گیا تھا کہ ولی عہدشہزادہ محمدبن سلمان نے وزیر اعظم عمران خان کاپرتپاک استقبال کیا ، اس دوران تاریخی اوربرادرانہ تعلقات،دوطرفہ تعاون کےتمام پہلوؤں کاجائزہ لیاگیا ، باہمی دلچسپی کےعلاقائی اوربین الاقوامی امورپرتبادلہ خیال کیاگیا اور دوطرفہ تعلقات،سرکاری افسران اورنجی شعبےمیں رابطوں اورتعاون پراتفاق کیاگیا۔
وزیراعظم عمران خان نے سعودی عرب اورمشرق وسطیٰ گرین منصوبےکاخیرمقدم کرتے ہوئے کہا امیدہےایسےمنصوبوں سےخطےکےافراد اورماحول پر مثبت اثرپڑے گا جبکہ سعودی ولی عہدنےپاکستان کے10 بلین ٹری منصوبےکوسراہا۔
