site
stats
سندھ

سابق سینیٹر فیصل رضاعابدی کی ضمانت منظور

کراچی: پیپلزپارٹی کے سابق رہنماوسینیٹر فیصل رضاعابدی کی غیر قانونی اسلحہ کیس میں ضمانت منظور ہوگئی۔

تفصیلات کےمطابق ڈسٹرکٹ کورٹ ملیر کے سیشن جج نےپیپلزپارٹی کے سابق رہنماوسینیٹر فیصل رضاعابدی کی درخواست ضمانت 50 ہزار روپے کے مچلکوں کے عوض منظور کرلی۔

فیصل رضاعابدی کی جانب ملیر کے سیشن جج کی عدالت میں ایس ایم جی کا لائسنس اور دستاویزات پیش کی گئی جس پر عدالت نے ان کی ضمانت منظور کی۔

مزید پڑھیں: فیصل رضا عابدی:غیر قانونی اسلحے کے الزام میں گرفتارہیں، مراد علی شاہ

یاد رہے کہ تین روز قبل وزیر اعلیٰ سندھ سید مراد علی شاہ کا کہناتھاکہ فیصل رضاعابدی کوغیرقانونی اسلحہ رکھنے پرگرفتارکیا گیاتھا، پولیس نے کارروائی کے دوران جو اسلحہ برآمد کیا اُن میں سے ایک ایس ایم جی غیر قانونی تھی۔

مزید پڑھیں:فیصل رضاعابدی کوجوڈیشل ریمانڈ پر جیل بھیج دیا گیا

سابق سینیٹر فیصل رضا عابدی کو6 نومبر اتوار کے روز عدالت میں پیش کیاگیا تھا اور عدالت نے انہیں 19نومبر تک جوڈیشل ریمانڈ پر بھیج دیا تھا۔

مزید پڑھیں:پٹیل پاڑہ قتل کیس: پی پی رہنما فیصل رضا عابدی گرفتار

واضح رہے کہ گزشتہ ہفتےقانون نافذ کرنے والے اداروں نے شہر میں فرقہ وارانہ ٹارگٹ کلنگ کے الزام میں پیپلزپارٹی کے سابق سینیٹر فیصل رضا عابدی کو اُن کی رہائش گاہ سے گرفتار کر کے اسلحہ برآمد کیا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top