25جولائی کو جو ہوا اب نہیں ہوگا، ضمنی انتخابات میں فتح ایم کیو ایم کی ہوگی، فیصل سبز واری -
The news is by your side.

Advertisement

25جولائی کو جو ہوا اب نہیں ہوگا، ضمنی انتخابات میں فتح ایم کیو ایم کی ہوگی، فیصل سبز واری

کراچی : متحدہ قومی موومنٹ کے مرکزی رہنما سید فیصل سبز واری نے کہا ہے کہ25جولائی کو جو کچھ ہوا وہ اب نہیں ہونے دیں گے، ضمنی انتخابات میں ایم کیو ایم واضح برتری حاصل کرے گی۔

ان خیالات کا اظہار انہوں نے کراچی کے حلقے این اے243 میں ایم کیو ایم کے امیدوار عامر چشتی کے اعزاز میں تقریب سے خطاب کرتے ہوئے کیا۔

انہوں نے کہا کہ گزشتہ عام انتخابات میں شہر کراچی کے نتائج تبدیل کیے گئے ، ہماری جیتی ہوئی نشستوں سے ہرایا گیا۔25جولائی کو جو کچھ ہوا وہ اب نہیں ہونے دیں گے۔

فیصل سبزواری کا مزید کہنا تھا کہ ہم اپنے ناراض ووٹرز کو منانے کی کوشش کررہے ہیں، ضمنی الیکشن میں ووٹرز نکل آئے تو ہم جیت جائیں گے کیونکہ ہمارے مقابلے میں دیگرجماعتوں کے امیدوار کمزور ہیں، دعوے سے کہہ رہا ہوں کہ ایم کیو ایم اس بار واضح برتری حاصل کرے گی۔

فیصل سبزواری کا کہنا تھا کہ عالمگیر خان محسود کو تحریک انصاف کی جانب سے ٹکٹ دیا جانا بلی تھیلے سے باہر آگئی عالمگیر خان کا سیاسی ایجنڈا تھا جس پر کام کر ر ہے تھے۔

انہوں نے کہا کہ19اکتوبر کو این اے247 میں سیاسی قوت کا مظاہرہ کریں گے، مردم شماری اور حلقہ بندیوں سے پہلے ہی ہمارے ساتھ دھاندلی ہوچکی ہے۔

انہوں نے واضح کیا کہ 25جولائی کو جو ہوا وہ اب نہیں ہونے دیں گے، جب تک فارم45نہیں ملے گا، ہمارے ایجنٹ پولنگ اسٹیشن سے نہیں ہٹیں گے، دھاندلی کے حوالے سے سیاسی جماعتوں کے ضمنی الیکشن پراعتراضات دور کیے جائیں۔

Comments

comments

یہ بھی پڑھیں