فاروق ستار پریس کانفرنس نہ کرتے، تو بہترتھا: فیصل سبزواری کا ردعمل
The news is by your side.

Advertisement

انٹرا پارٹی انتخابات اپنے وقت پر ہی ہوں گے، کنوینر خالد مقبول صدیقی ہیں: فیصل سبزواری

کراچی: ایم کیو ایم پاکستان کے مرکزی رہنما فیصل سبزواری کا کہنا ہے کہ رابطہ کمیٹی نے فاروق ستار کا استعفیٰ منظورنہیں کیا.

ان خیالات کا اظہار انھوں نے فاروق ستار کے انٹرا پارٹی الیکشن کروانے کے بیان پر ردعمل دیتے ہوئے کیا.

فیصل سبزوای نے کہا کہ فاروق ستارسے چند روز پہلے میٹنگ ہوئی تھی، جلد دوبارہ ملیں گے، مل کر بات چیت کریں گے.

رابطہ کمیٹی نے فاروق ستار کا استعفیٰ منظورنہیں کیا

فیصل سبزواری

ایم کیو ایم کے رہنما کا کہنا تھا کہ ہم نہیں چاہتے ہیں کہ انتخابی عمل پرمنفی اثر پڑے، فاروق ستار نے  مطالبہ کیا تھا کہ 5 جولائی پرحالات کو واپس لایا جائے، ہم نے95 فی صد ساتھیوں کو5 جولائی کی ذمہ داریوں پر واپس لگا دیا.

فیصل سبزواری نے کہا کہ بہادرآباد اور بی آئی بی کے کارکنان اب ایک ساتھ کام کر رہے ہیں، چندروز تک فاروق ستارپریس کانفرنس نہ کرتے تو بہترتھا. 

انھوں نے واضح الفاظ میں کہا کہ انٹرا پارٹی انتخابات اپنے وقت پر ہی ہوں گا، کنوینر خالد مقبول صدیقی ہیں۔


مزید پڑھیں: فاروق ستارکا انٹراپارٹی الیکشن کا مطالبہ، 23اگست کو ایم کیوایم کومیں نے بچایا


ان کا کہنا تھا کہ زیربحث باتوں کو میڈیا پرالیکشن کے بعد لے آتے، امید ہے کہ فاروق ستار ہمارے ساتھ الیکشن کی تیاری کریں گے.

یاد رہے کہ آج ایم کیوایم پاکستان کے رہنما فاروق ستار نے انٹراپارٹی الیکشن کا مطالبہ کرتے ہوئے کہا 23اگست کو ایم کیوایم کومیں نے بچایا، ایم کیوایم پاکستان نظریاتی قائم کرنے کےمشن پرنکل چکا ہوں۔

Comments

comments

یہ بھی پڑھیں