The news is by your side.

Advertisement

علامتی دھرنا، کارکن کو ماورائے عدالت قتل کیا گیا، فیصل سبزواری

کراچی : ایم کیو ایم پاکستان کے رہنما فیصل سبزواری کا کہنا ہے کہ کارکن کے ماورائے عدالت قتل پر عدالتی تحقیقات کا مطالبہ کرتے ہیں ملوث پولیس اہلکاروں کو سخت سے سخت سزا دی جائے۔

ایم کیو ایم پاکستان کے رہنما اور رکن صوبائی اسمبلی فیصل سبزواری کراچی کے علاقے اورنگی ٹاؤن میں علامتی دھرنے کے بعد میڈیا سے گفتگو کر رہے تھے انہوں نے کہا کہ کارکن وسیم راجہ کو ماورائے عدالت قتل کیا گیا ہے جس کے خلاف میت کے ہمراہ علامتی دھرنا دیا ہے۔

میڈیا سے بات کرتے ہوئے فیصل سبزواری کا کہنا تھا کہ وسیم راجہ کو مومن آباد تھانے کی پولیس نے حراست میں لیا تھا لیکن اسے کسی عدالت میں پیش کرنے کے بجائے ماورائے عدالت قتل کردیا گیا اور بہانہ یہ بنایا گیا کہ ملزم نے خودکشی کر لی ہے۔

انہوں نے عدالتی کمیشن بنانے کا مطالبہ کرتے ہوئے کہا کہ اورنگی ٹاؤن کے دونوں تھانوں کے جو اہلکار اس سفاکانہ جرم میں ملوث ہیں انہیں فی الفور گرفتار کر کے قرار واقعی سزا دی جائے تا کہ آئندہ ایسے واقعات کی روک تھام ہو سکے۔

فیصل سبزواری نے کہا کہ ایم کیو ایم پاکستان کے دو سو زائد کارکنان کا تین سال میں ماورائے عدالت قتل کیا گیا ہے لیکن کسی ایک کا بھی قاتل گرفتار نہیں ہو سکا ہے۔

Print Friendly, PDF & Email

Comments

comments

یہ بھی پڑھیں