اسلام آباد : معاون خصوصی برائے صحت ڈاکٹرفیصل سلطان کا کہنا ہے کہ اب ویکسین کی دوسری خوراک کم وقت کے وقفے کے بعد بھی لگوائی جاسکتی ہے۔
تفصیلات کے مطابق معاون خصوصی برائے صحت ڈاکٹرفیصل سلطان نے سماجی رابطے کی ویب سائٹ ٹوئٹر پر اپنے پیغام میں کہا ہے کہ آپ ویکسین کی دوسری خوراک کم وقت کےوقفےکےبعدبھی لگواسکتےہیں، سائنوفام 3 ہفتے، سائنوویک، ایسٹرازنیکا 4 ہفتے وقفے کے بعد لگواسکتے ہیں، اب آپ کو1166ایس ایم ایس کے انتظار کرنے کی ضرورت نہیں۔
Covid vaccination – 2nd dose info
You can get 2nd dose of the vaccine ANYTIME after the minimum time interval has elapsed
Sinopharm – 3 wks
Sinovac & Astrazeneca- 4 wksDon't need to wait for reminder SMS from 1166 (comes after 6 wks fr Sinopharm & Sinovac & 12 wks fr AstraZ)
— Faisal Sultan (@fslsltn) August 9, 2021
یاد رہے گذشتہ ماہ حکومت کی جانب سے کورونا ویکسین کی خوراکوں کے شیڈول میں تبدیلی کا فیصلہ کیا گیا تھا، جس میں سائینوفارم، آسٹرازنیکا اور سائینوویک شامل تھی۔
ذرائع کے مطابق سائینو فارم ویکسین کی دوسری ڈوز 21 روز بعد ، سائینوویک اور آسٹرازنیکا کی دوسری ڈوز28 دن بعد لگانے کا فیصلہ کیاگیا ہے، ویکسین ڈوز میں زیادہ گیپ کا فیصلہ عالمی پریکٹس کے مدنظر کیا ہے۔
اس سے قبل آسٹرازنیکا ویکسین کی دوسری ڈوز84دن بعدلگائی جا رہی تھی جبکہ سائینوویک اور سائینو فارم کی دوسری ڈوز45دن بعدلگائی جا رہی تھی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں