The news is by your side.

Advertisement

فیصل واوڈا کا زیادتی کے بعد قتل ہونے والی بچی کے اہلخانہ کی کفالت کا اعلان

کراچی: پاکستان تحریک انصاف کے رہنما فیصل واوڈا نے کہا ہے کہ کراچی میں زیادتی کے بعد قتل ہونے والی بچی رابعہ کے اہلخانہ کی کفالت کریں گے۔

پی ٹی آئی رہنما فیصل واوڈا نے کہا ہے کہ ننھی بچی سے جو ظلم و زیادتی ہوئی اس پر رنجیدہ ہوں، دکھ کی اس گھڑی میں رابعہ کے اہلخانہ کا بھرپور ساتھ دوں گا۔

انہوں نے کہا کہ کل دوپہر تک رابعہ کے اہلخانہ تک ضروری امداد پہنچاؤں گا جبکہ ننھی بچی کے اہلخانہ کو قانونی معاونت فراہم کی جائے گی۔

مزید پڑھیں: کراچی میں 6سالہ بچی سے زیادتی وقتل کیخلاف احتجاج، ایک شخص جاں بحق،15زخمی

واضح رہے کہ چھ سالہ بچی رابعہ اورنگی ٹاؤن سے لاپتہ ہوئی تھی اور اس کی لاش منگھوپیر میں کچرا کنڈی سے ملی تھی، رابعہ کی والدہ کا کہنا تھا کہ میری بیٹی پر بدترین تشدد اور زیادتی کی گئی، پولیس نے جنہیں گرفتار کیا ہے وہ اصل ملزم نہیں ہیں۔

یاد رہے کہ عباسی شہید اسپتال ذرائع کا کہنا تھا کہ پوسٹ مارٹم رپورٹ میں بچی سے زیادتی ثابت ہوئی ہے، لاش کا پوسٹ مارٹم عباسی شہید اسپتال میں لیڈی ایم ایل او نے کیا تھا، رپورت میں بتایا گیا تھا کہ بچی کو گلے میں پھندا ڈال کر قتل کیا گیا تھا، رابعہ کے جسم کے مختلف حصوں پر زخم کے نشانات پائے گئے تھے۔

خیال رہے کہ بچی سے زیادتی اور قتل کے واقعے کے خلاف بچی کے اہلخانہ اور اہل علاقہ کی بڑی تعداد نے اورنگی ٹاؤن منگھوپیر روڈ پر احتجاج کیا تھا، پتھراؤ اور پرتشدد واقعات میں ایک شخص جاں بحق 15 زخمی ہوگئے تھے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں