اربوں روپے کا پانی چوری ہو رہا ہے، پانی چوری روک کر دکھاؤں گا: فیصل واوڈا -
The news is by your side.

Advertisement

اربوں روپے کا پانی چوری ہو رہا ہے، پانی چوری روک کر دکھاؤں گا: فیصل واوڈا

جامشورو: وفاقی وزیر برائے آبی وسائل فیصل واوڈا کا کہنا ہے کہ اربوں روپے کا پانی چوری ہو رہا ہے، پانی کی چوری روک کر دکھاؤں گا۔ سندھ کو مزید پانی ملے گا کوئی کٹوتی نہیں ہوگی۔

تفصیلات کے مطابق وفاقی وزیر برائے آبی وسائل فیصل واوڈا کا کہنا ہے کہ اربوں روپے کا پانی چوری ہو رہا ہے، دو ہفتوں میں ڈسٹری بیوشن کینال پر سیکیورٹی تعینات کرنا ہوگی۔ دو ہفتے میں سیکیورٹی تعینات نہ کی گئی تو سخت ایکشن لوں گا۔

انہوں نے کہا کہ ماضی کی حکومت نے پانی کے مسائل پر کوئی توجہ نہیں دی، ماضی کی حکومتوں نے صرف اپنوں کو نوازا، غریبوں کو نہیں پوچھا۔

فیصل واوڈا کا کہنا تھا کہ میئر اپنی فریاد کر رہے ہیں ان کو پوچھنے والا کوئی نہیں، میری گفتگو کے بعد لوگ کہیں گے 18 ویں ترمیم میں مداخلت ہوگئی۔

انہوں نے کہا کہ پانی کی چوری روک کر دکھاؤں گا، وزارت کا چارج لیے 4 دن ہوئے ہیں، مسائل ہنگامی بنیادوں پر حل کر رہا ہوں۔ سندھ کو مزید پانی ملے گا کوئی کٹوتی نہیں ہوگی۔

وفاقی وزیر نے کہا کہ 2 روپے کمانے کے لیے 10 لاکھ خرچ کیے گئے، پبلک پرائیوٹ پارٹنر شپ کا آپشن موجود ہے۔ ’صوبے میں رہتے ہوئے بے ایمانی نہیں کرنے دوں گا‘۔

انہوں نے کہا کہ ڈی سی ملیر کو ہٹانے کی کوشش کی جارہی ہے وہ اچھے آدمی ہیں۔

Comments

comments

یہ بھی پڑھیں