اسلام آباد : وفاقی وزیر فیصل واوڈا کا کہنا ہے مولانا فضل الرحمان اپنے دھرنے میں لوگوں کو مروانا چاہتے ہیں، ڈنڈابردارجتھوں کوکسی صورت برداشت نہیں کیا جائے گا، ریاست کےاندرریاست بنانے کی اجازت نہیں دے سکتے۔
تفصیلات کے مطابق وفاقی وزیر آبی وسائل فیصل واوڈا نے اے آر وائی نیوز کے پروگرام پاور پلے میں گفتگو کرتے ہوئے کہا اپوزیشن کومسئلہ کیاہےجس کیلئے دھرنا دیا جارہا ہے، اسلام کوکوئی خطرہ ہےجس پردھرنےکی تیاریاں ہیں؟
فیصل واوڈا کا کہنا تھا کہ بڑے دل کامظاہرہ کیا اور مذاکرات کی پیشکش کی ہے، بضد ہیں اوراحتجاج کرناچاہتےہیں توبےشک آجائیں، ڈنڈابردارجتھوں کوکسی صورت برداشت نہیں کیا جائے گا۔
وفاقی وزیر نے کہا کہ ولانا فضل الرحمان دھرنےمیں لوگوں کو مروانا چاہتے ہیں، ریاست کےاندرریاست بنانےکی اجازت نہیں دے سکتے۔
مزید پڑھیں : حکومت کا مولانا فضل الرحمان سے مذاکرات کیلئے کمیٹی بنانے کا فیصلہ
یاد رہے وزیراعظم عمران خان کی زیر صدارت کورکمیٹی اجلاس میں مولانا فضل الرحمان سے مذاکرات کیلئے کمیٹی بنانے کا فیصلہ کرتے ہوئے پرویز خٹک کو کمیٹی کا سربراہ مقرر کردیا تھا۔
وزیراعظم نے کہا تھا ملک کواس وقت اوربھی خطرات درپیش ہیں، ہم کشمیر کا مقدمہ عالمی فورمز پر لڑ رہےہیں، حکومت کو معیشت اور کشمیر جیسے بڑے چیلنجز کا سامنا ہے، حکومت اپوزیشن کے جائز تحفظات ضرور سنے گی۔
