تازہ ترین

‘ شکریہ مولانا ، حکومت کو اور مضبوط کرنے کے لئے’

اسلام آباد : وفاقی وزیر آبی وسائل فیصل واوڈا نے چند درجن لوگ لاکر حکومت کو اور مضبوط کرنے پر مولانا فضل الرحمان کا شکریہ کیا اور کہا کرائے کے احتجاجی حکومت گراتے گراتے خود گرگئے۔

تفصیلات کے مطابق وفاقی وزیر آبی وسائل فیصل واوڈا نے سماجی رابطے کی ویب سائٹ ٹوئٹر پر اپنے بیان میں کہا شکریہ مولانا، آپ نے چند درجن لوگ لا کر حکومت کو اور مضبوط کیا، اپوزیشن بھی ہے وہ جس میں پھوٹ ہے، کرائے کے احتجاجی حکومت گراتے گراتے خود گرگئے۔

یاد رہے چند روز قبل فیصل واوڈا نے کہا تھا کہ مولانا فضل الرحمان ذاتی مفادات کے لیے احتجاج کررہے ہیں، آنے والے وقت میں بتاؤں گا کہ احتجاج اوراس کے پیچھے اصل مقاصد کیا ہیں۔

مزید پڑھیں : مولانا فضل الرحمان ذاتی مفادات کے لیے احتجاج کررہے ہیں، فیصل واوڈا

وفاقی وزیر کا کہنا تھا کہ پرامن احتجاج سب کاحق ہے لیکن اس احتجاج کامقصد کیا ہے وہ تو بتائیں، ریاست کے اندر ریاست نہیں بننے دیں گے، ڈنڈا بردار فورس کسی صورت قبول نہیں کریں گے۔

خیال رہے مولانافضل الرحمان نے آج اپنے مطالبات حکومت کےسامنےرکھنے کاعندیہ دیتے ہوئے کہا نماز جمعہ کے بعد قومی یکجہتی سے مارچ کا آغاز ہوگا ، اگر حکومت نے خلاف ورزی نہیں کی تو معاہدے کی مکمل پاسداری کریں گے۔

Comments

- Advertisement -