The news is by your side.

مہمندڈیم کاٹھیکہ ایوارڈ ہوگیا ہے، وزیراعظم جلد ڈیم کی تعمیر کا باقاعدہ افتتاح کریں گے،فیصل واوڈا

کراچی : وفاقی وزیرآبی وسائل فیصل واوڈا کا کہنا ہے کہ وزیرعظم جلد مہمندڈیم کی تعمیر کا باقاعدہ افتتاح کریں گے ،سابق چیف جسٹس ثاقب نثارکاڈیم کےلیےبہت اچھاکرداررہا، مہمندڈیم کےسنگ بنیادپر ان کوبلائیں گے، حکومت کووراثت اور جہیزمیں لمبے چوڑے قرضےملے ہیں۔

تفصیلات کے مطابق وفاقی وزیرآبی وسائل فیصل واوڈا نے پریس کانفرنس کرتے ہوئے کہا وفاق نے پانی سے متعلق جو بھی کرناہوگا کرےگا، مہمند ڈیم کا کام شروع کرا چکے ہیں، وزیرعظم جلد مہمند ڈیم کی تعمیر کا باقاعدہ افتتاح کریں گے، حب ڈیم سے پانی کی چوری روکنے کیلئے اقدامات کررہے ہیں۔

مہمندڈیم کاٹھیکہ ایوارڈہوگیا،جلدسنگ بنیادرکھاجائےگا

فیصل واوڈا کا کہنا تھا کشمیرکےعوام بھی ہمیں باقی پاکستان کی طرح عزیزہیں، سندھ میں غیرقانونی ٹینکرزمافیاکیخلاف کارروائی کریں گے ، آزادکشمیر کے لیے سیاست سے بالا ہوکر کام کررہے ہیں۔

وفاقی وزیر کا کہنا تھا آج ہم نےآزادکشمیرہائیڈل پروجیکٹ کامسئلہ حل کردیا، آزادکشمیر سے بھی ایک روپے10پیسے فی یونٹ پیسے لیں گے، نیلم جہلم سے بجلی کی پیداوار 103فیصد جو استعداد سے زیادہ ہے، آزادکشمیرمیں ن لیگ کی حکومت ہے، ہم سیاسی وابستگی سے بالاترہوکر کام کررہےہیں۔

سابق چیف جسٹس ثاقب نثارکاڈیم کےلیےبہت اچھاکرداررہا

انھوں نے کہا آزادکشمیرکوپہلے70کروڑروپےپرافٹ ملتاتھا، اب11 ارب روپےملیں گے، اضافی پرافٹ ملنے سے پیسے آزادکشمیرکی فلاح پرخرچ ہوں گے، کوہالہ ہائیڈرو پروجیکٹ کا ازسرنو ڈیزائن بنانا ممکن نہیں، پروجیکٹ کے کچھ مسائل سنجیدہ ہیں۔

فیصل واوڈا کا کہنا تھا 18 ویں ترمیم کےبعدپانی بھی صوبائی معاملہ ہے، حب ڈیم سے متعلق کچھ شکایات آرہی ہیں، جلد دورہ کروں گا، سندھ حکومت کےساتھ میرے اچھے تعلقات ہیں، وزیراعلیٰ سندھ نے کھلے دل سے کہا مل کرمسائل حل کریں گے۔

وفاقی وزیرآبی وسائل نے کہا غیرقانونی ہائیڈرینٹس سےمتعلق مشترکہ چھاپوں پراتفاق ہوا، مشترکہ نہ ہواتوچھاپہ مارنے کے لیے میں اکیلے کافی ہوں، سیلاب کے خطرے سے صوبائی حکومتوں کو آگاہ کیاہے، وفاقی حکومت تیار ہے اور مانیٹرنگ سسٹم بنایاجارہاہے۔

سیلاب کے خطرےسےصوبائی حکومتوں کوآگاہ کردیا ہے

ان کا کہنا تھا ویں ترمیم میں اچھی چیزیں ہیں لیکن بہتری کی گنجائش ہے، انسان کےبنائےہوئےقوانین میں تبدیلیاں ہوتی رہتی ہیں، پانی کےمسئلےپروفاق اورصوبوں میں اچھاورکنگ ریلیشن ہے۔

فیصل واوڈا نے کہا سابق چیف جسٹس ثاقب نثارکاڈیم کےلیےبہت اچھاکرداررہا، ڈیمزکی تعمیرصرف فنڈسےممکن نہیں ہے، مہمندڈیم کاٹھیکہ ایوارڈ ہوگیا، جلدسنگ بنیادرکھا جائے گا، جسٹس(ر)ثاقب نثارکومہمندڈیم سنگ بنیادپربلائیں گے۔

وفاقی وزیر کا کہنا تھا گزشتہ حکومت نےقرضوں کاجوبوجھ چھوڑاانشااللہ ختم کریں گے، حکومت کووراثت اورجہیزمیں لمبےچوڑےقرضے ملے، جن قرضوں کاسوددےرہےوہ پی ٹی آئی نےنہیں لیے، حکومت عوام کوہرمعاملےپراعتمادمیں لےرہی ہے۔

حکومت کووراثت اورجہیزمیں لمبےچوڑےقرضے ملے، جن قرضوں کاسوددےرہےوہ پی ٹی آئی نےنہیں لیے

انھوں نے مزید کہا ذاتی طورپراٹھارویں ترمیم کےبعض نکات پراعتراض ہے، اولین ترجیح عوامی مسائل کاہنگامی بنیادوں پرحل ہے، سیاسی اختلافات اپنی جگہ عوامی مسائل پربلاتفریق تعاون ہوگا۔

Comments

یہ بھی پڑھیں