The news is by your side.

Advertisement

سندھ طاس معاہدے کے تحت بھارت پانی نہیں روک سکتا، فیصل واوڈا

کراچی : وفاقی وزیر آبی وسائل فیصل واوڈا نے کہا ہے کہ بھارت کی جانب سے پانی روکنے کی دھمکی کلبھوشن کیس سے توجہ ہٹانے کی ناکام کوشش ہے۔

تفصیلات کے مطابق وفاقی وزیرآبی وسائل فیصل واوڈا کا کہنا ہے کہ بھارت کی جانب سے پانی روکنے کی دھمکی مضحکہ خیزاورفضول خیزبات ہے۔

انہوں نے کہا کہ سندھ طاس معاہدے کے تحت بھارت پانی نہیں روک سکتا، بھارت جان لے یہ نیا پاکستان ہے، بھارت جنگ کے نتائج سے باخبر رے۔

وفاقی وزیر نے کہا کہ بہادرپاکستانی افواج بھارت کوبھرپورجواب دیں گی، بھارت کا جنگی جنون اس کو کوئی فائدہ نہ دے گا۔

فیصل واوڈا نے کہا کہ دھمکی کلبھوشن کیس سے توجہ ہٹانے کی ناکام کوشش ہے، بھارت اپنی ناکامی کا ذمہ دارپاکستان کونہیں ٹھہرا سکتا۔

بھارتی وزیر نے پاکستان کا پانی روکنے کا مضحکہ خیز دعویٰ کر دیا

یاد رہے کہ گزشتہ روز بھارتی وزیرنتن گڈکری نے دعویٰ کیا تھا کہ بھارتی حکومت نے فیصلہ کرلیا ہے کہ پاکستان کو جانے والے 3 دریاؤں کا پانی روکا جائے گا۔

نتن گڈکری کا کہنا تھا کہ مشرقی دریاؤں کا پانی موڑ کر جموں و کشمیر اور پنجاب میں اپنے لوگوں کو دیا جائے گا۔

بھارتی وزیر نے دعویٰ کیا تھا کہ دریائے راوی پر شاہ پورکنڈی ڈیم کی تعمیر شروع کر دی گئی ہے، ڈیم پروجیکٹ سے جمع ہونے والا پانی مقبوضہ کشمیر میں استعمال کیا جائے گا۔

Comments

comments

یہ بھی پڑھیں