The news is by your side.

Advertisement

فیصل واوڈا کا کاروبار،روزگارکی فراہمی کیلئےسیلف ایمپلائمنٹ اسکیم کااعلان

کراچی : وفاقی وزیر برائے آبی منصوبہ بندی فیصل واوڈا نے کاروبار،روزگارکی فراہمی کیلئےسیلف ایمپلائمنٹ اسکیم کااعلان کردیا ہے ، سیلف ایمپلائمنٹ اسکیم کے تحت ابتدائی طور پر ایک ہزار افراد کو ذاتی اخراجات سےفنڈز دیے جائیں گے۔

تفصیلات کے مطابق وفاقی وزیر برائے آبی منصوبہ بندی فیصل واوڈا کا بڑا فیصلہ کرلیا اور کاروبار،روزگار کی فراہمی کیلئےسیلف ایمپلائمنٹ اسکیم کااعلان کردیا ہے ، ابتدائی طور پر ایک ہزار افراد کو ذاتی اخراجات سےفنڈز دیے جائیں گے۔

سیلف ایمپلائمنٹ اسکیم کا آغاز آج NA 249 بلدیہ کراچی سے ہو گا، ابتدائی طور پر 3 کروڑ روپے کے چیکس تقسیم کرنے کا فیصلہ کیاگیا ہے، اسکیم پر صوبائی یا وفاقی حکومت کا کوئی پیسہ استعمال نہیں ہوگا۔

اسکیم پر خرچ ہونے والی تمام رقم فیصل واوڈا خود اور مخیرحضرات کے تعاون سے ادا کی جائے گی۔

یاد ہے دو ماہ قبل وفاقی وزیرفیصل واوڈا نے وزیراعلیٰ سندھ مرادعلی شاہ کو خط لکھا تھا ، جس میں‌ حلقے کے عوام کو سہولتوں کی فراہمی کے لئے ذاتی تعاون کی پیش کش کی تھی۔

مزید پڑھیں : فیصل واوڈا کا حلقے کے عوام کو ذاتی وسائل سے سہولیات فراہم کرنے کا بڑا اعلان

اپنے خط میں‌ انھوں‌ نے موقف اختیار کیا تھا کہ حلقے کے عوام بنیادی سہولتوں سے محروم ہیں، حلقے میں تعلیم، صحت اور صاف پانی کی عدم دستیابی بڑامسئلہ ہے، حلقہ میں مسائل کے حل کے لئے صوبائی حکومت سے تعاون پر تیار ہوں۔

وفاقی وزیر نے اسکول، ڈسپنسریوں اور آر ا و پلانٹ کا خرچہ خود اٹھانے کی پیش کش کیے تھی اور ساتھ ہی بچوں کے تعلیمی اخراجات اور علاج کی سہولتوں کا خرچ خود برداشت کرنے کی بھی پیش کش کی تھی۔

فیصل واوڈا کا کہنا تھا اخراجات کا بوجھ وفاقی اور صوبائی حکومت پرنہیں ہوگا، حلقہ کے عوام کو سہولتیں ذاتی وسائل سے فراہم کروں گا۔

Comments

یہ بھی پڑھیں