پی ٹی آئی رہنما فیصل واوڈا نے ترجمان مسلم لیگ (ن) مریم اورنگزیب کو کرارا جواب دے ڈالا۔
تفصیلات کے مطابق سماجی رابطے کی ویب سائٹ ٹوئٹر پر فیصل واوڈا نے مریم اورنگزیب کے بیان پر ردعمل دیتے ہوئے کہا کہ ن لیگ نے سپریم کورٹ پر حملہ کیا، قوم بھولی نہیں ہے۔
فیصل واوڈا نے کہا کہ عمران خان نواز شریف کی طرح غدار،بھگوڑا اور عالمی سازش کا حصہ نہیں، آپ بتائیں جب ججز کوبلیک میل کیا،ٹیپس بنوائیں، من پسند فیصلے کرائے۔
پی ٹی آئی رہنما نے مریم اورنگزیب کو مخاطب کرتے ہوئے کہا کہ بی بی ہماری فکر چھوڑیں شہباز شریف کی ‘اچکن’ سنبھالیں کسی شادی میں کام آئےگی۔
مریم اورنگزیب!
عمران خان نواز شریف کی طرح غدار،بھگوڑااور عالمی سازش کاحصہ نہیں،آپ بتائیں جب ججزکو بلیک میل کرنیکی ٹیپس بنائیں انکو خریدا من پسند فیصلے کروائےاور سپریم کورٹ پر حملہ کیا، قوم بھولی نہیں ہے! ہماری فکر چھوڑیں شہباز شریف کی اچکن سنبھالیں کسی شادی پر پہننے کے کام آئیگی!— Faisal Vawda (@FaisalVawdaPTI) April 8, 2022
اس سے قبل پی ٹی آئی رہنما حلیم عادل شیخ نے سماجی رابطے کی ویب سائٹ ٹویٹر پر اپنے پیغام میں کہا تھا کہ اپوزیشن کہتی تھی کہ عمران خان کو سیاست نہیں آتی، آج 15 جماعتیں مل کر عمران خان کا مقابلہ کررہی ہیں۔
وزیراعظم عمران خان نے بھی پارلیمانی پارٹی کے اجلاس میں کہنا تھا کہ شہباز شریف اچکن نہیں پہن سکے گا، ہم کہیں نہیں جا رہے، آپ دیکھتے جائیں۔
عمران خان کا کہنا تھا کہ استعفے دینے کا مطلب سازش کامیاب بنانے کے مترادف ہوگا، کسی صورت حکومت گرانے کی سازش کامیاب نہیں ہونے دوں گا۔
