موجودہ حکومت پنجاب کی ایم کیو ایم ہے، فیصل واوڈا -
The news is by your side.

Advertisement

موجودہ حکومت پنجاب کی ایم کیو ایم ہے، فیصل واوڈا

لاہور: پاکستان تحریک انصاف کے رہنماء فیصل واوڈا نے کہا ہے کہ وہ جمہوریت کے حسن کو لے کر چل رہے ہیں، جب تک حکمران دھونس دھاندلی نہیں کرتے، پرامن رہیں گے۔

لاہور ایئرپورٹ پر میڈیا سے گفتگو کرتے ہوئے پی ٹی آئی رہنماء فیصل واوڈا کا کہنا تھا کہ موجودہ حکومت پنجاب کی ایم کیو ایم ہے، دھونس دھاندلی کی باتیں کرنے والے کچھ کرینگے تو وہ بھی خاموش نہیں رہیں گے۔ پرامن احتجاج کرتے آئے ہیں اور آئندہ بھی پرامن رہیں گے۔

انہوں نے کہا کہ پی ٹی آئی میں غنڈے بدمعاش یا ڈنڈوں کی بات کرنے والے نہیں ہیں، غنڈہ گردی کرنا موجودہ حکومت کا دستور ہے، جلسے میں خواتین کے تحفظ کی حکمت عملی بنیادی چیز ہے۔

ان کا کہنا تھا کہ ظلم کا نظام نہیں چلنے دینگے۔ رائے ونڈ بھی قوم کی لوٹی ہوئی دولت سے بنا ہے، مودی سرکار رائے ونڈ آ سکتی ہے تو ہم کیوں نہیں۔

Comments

comments

یہ بھی پڑھیں