ملک بھر میں قائم غیرقانونی ہائیڈرنٹس مسمار کردیئے جائیں گے، فیصل واوڈا -
The news is by your side.

Advertisement

ملک بھر میں قائم غیرقانونی ہائیڈرنٹس مسمار کردیئے جائیں گے، فیصل واوڈا

اسلام آباد : وفاقی وزیر برائے آبی وسائل فیصل واوڈا نے کہا ہے کہ پورے ملک میں قائم غیرقانونی ہائیڈرنٹس گرائیں گے، واپڈا کو کارپوریٹ ادارہ بنارہے ہیں، امید ہے پانی کی کمی کے مسائل پرجلد قابو پالیں گے۔

ان خیالات کا اظہار انہوں نے لاہور میں میڈیا سے گفتگو کرتے ہوئے کیا، فیصل واوڈا نے کہا کہ تمام صوبوں کے حکام سے مل کر پانی کے مسائل حل کرنے کیلئے کوشاں ہیں، وفاقی حکومت کی جانب سے صوبوں میں اتفاق رائے پیدا کرنے کی کوشش کی جارہی ہے، امید ہے پانی کی کمی سے متعلق مسائل پر جلد قابو پالیا جائے گا۔

انہوں نے بتایا کہ پانی چوری روکنے کیلئے ہنگامی اقدامات کرتے ہوئے پورے ملک میں

غیر قانونی ہائیڈرنٹس کیخلاف کارروائیاں کی جائیں گی اور تمام غیرقانونی ہائیڈرنٹس کو مسمار کردیا جائے گا

فیصل واوڈا

قائم غیر قانونی ہائیڈرنٹس کیخلاف کارروائیاں کی جائیں گی اور تمام غیرقانونی ہائیڈرنٹس کو مسمار کردیا جائے گا۔

وفاقی وزیر کا کہنا تھا کہ گورنرپنجاب سے ملاقات اچھی رہی، بلوچستان، کے پی اور سندھ کے وزرائے اعلیٰ کا شکر گزار ہوں، 18ویں ترمیم کے بعد صوبوں کا کام میں کررہا ہوں۔

ان کا کہنا تھا کہ اربوں روپے کے پراجیکٹس بچائے جارہے ہیں، میری وزارت میں38دن میں25سال سے جو کام نہیں ہوئے وہ کیے، اپنے محکمے کی کارکردگی سے بہت خوش ہوں، ایک وزیر کی طرح نہیں بلکہ گھر کی طرح کام کر رہا ہوں۔

مزید پڑھیں: وفاقی وزیر فیصل واوڈا سے چینی سفیر کی ملاقات، آبی ذخائر کی صورت حال پر تبادلہ خیال

ایک سوال کے جواب میں وفاقی وزیر نے بتایا کہ پاکستان کی بقا میں واپڈا کا بہت بڑا حصہ ہے، اسے کارپوریٹ ادارہ بنا رہے ہیں، گزشتہ حکومت کے دور میں ٹیلی میٹرز بند کر دیئے گئے تھے، نولنگ بلوچستان کا منصوبہ دس سال سےپھنسا ہوا تھا، فنڈز کا مسئلہ ختم ہوگیا، واپڈا اس پراجیکٹ کی تیاری کر رہا ہے۔

Comments

comments

یہ بھی پڑھیں