نواز شریف مجرم ہیں، کیا ان کو کندھوں پر بٹھا کرعدالت لایا جائے؟ فیصل واوڈا -
The news is by your side.

Advertisement

نواز شریف مجرم ہیں، کیا ان کو کندھوں پر بٹھا کرعدالت لایا جائے؟ فیصل واوڈا

اسلام آباد : تحریک انصاف کے رہنما فیصل واوڈا نے کہا ہے کہ نواز شریف عدالتی مجرم ہیں کیا ان کو کندھوں پر بٹھا کر عدالت لایا جائے؟ حکومت میں سادگی لاتے ہوئے عمران خان وزیراعظم ہاؤس میں نہیں رہیں گے۔

ان خیالات کا اظہار انہوں نے اے آر وائی نیوز کے پروگرام پاور پلے میں میزبان ارشد شریف سے خصوصی گفتگو کرتے ہوئے کیا، انہوں نے کہا کہ ایوان میں نوازشر یف کے حوالے سے مسلم لیگ ن کا احتجاج سمجھ نہیں آیا۔

نواز شریف کو عدالت کی جانب سے سزا دی گئی ہے، ایک شخص جو کرپشن میں سزا یافتہ ہو اس پر کیا پھولوں کی بارش کرنی چاہئے؟ کیا عدالتی مجرم کو بکتربند گاڑی کی جگہ کندھے پر بٹھا کر لائیں؟

ایک سوال کے جواب میں ان کا کہنا تھا کہ عمران خان نے پہلے ہی کہا تھا کہ وزیراعظم ہاؤس میں نہیں بلکہ بنی گالہ میں رہیں گے اور چاروں گورنر ہاؤس عوامی فلاح وبہبود کیلئےاستعمال ہوں گے، عمران خان نے جو کہا اس پرعمل ہوگا۔

انہوں نے مزید کہا کہ تحریک انصاف کی حکومت سادگی لے کرآئے گی، وزیراعظم ہاؤس میں 537ملازم ہیں، وزیراعظم ہاؤس کی18لگژری گاڑیاں نیلام کریں گے۔

انہوں نے بتایا کہ کراچی میں شہری پرتشدد کے واقعے پر عمران علی شاہ کو شوکاز نوٹس دیا گیا، متاثرہ شہری داؤد چوہان اگر چاہیں گے تو ان کے ساتھ مل کر مقدمہ درج کراؤں گا۔

Comments

comments

یہ بھی پڑھیں