The news is by your side.

Advertisement

سندھ حکومت غلطی کرے گی تو نشاندہی کرنا ہمارا کام ہے، فیصل واوڈا

اسلام آباد : وفاقی وزیر فیصل واوڈا نے کہا ہے کہ سندھ حکومت کوچاہیے تھا پہلے دن سے وفاق کے ساتھ چلتی، سندھ حکومت جہاں بھی غلطی کرے گی نشاندہی کرنا ہماراکام ہے۔

یہ بات انہوں نے اسلام آباد میں صحافیوں سے گفتگو کرتے ہوئے کہی، انہوں نے کہا کہ اٹھارویں ترمیم کے بعد صوبے اپنے فیصلوں میں خود مختار ہیں.

فیصل واوڈا کا کہنا تھاکہ سندھ حکومت نے کہا تھا کہ ہم نے پورے صوبے کو لاک ڈاؤن کردیا ہے، جبکہ وفاق اس وقت لاک ڈاؤن سے متعلق کچھ اورکہہ رہاتھا، اب ایسی کیابات ہوئی کہ سندھ حکومت کو کہنا پڑا کہ وفاق کو فالو کریں گے۔

انہوں نے کہا کہ ہمارا مؤقف ہے کہ سندھ حکومت کو چاہیے تھا کہ وہ پہلے دن سے وفاق کے ساتھ چلتی، سندھ حکومت نے کراچی میں لاک ڈاؤن کیا اندرون سندھ توجہ نہیں۔

وفاقی وزیر نے کہا کہ اندرون سندھ کورونا وائرس کے کیسزپر کوئی توجہ نہیں دی جارہی، سندھ حکومت جہاں بھی غلطی کرے گی نشاندہی کرنا ہماراکام ہے۔

Comments

یہ بھی پڑھیں