فیصل آباد : فٹ پاتھ پرسوئے ہوئے تین محنت کشوں کا لرزہ خیز قتل -
The news is by your side.

Advertisement

فیصل آباد : فٹ پاتھ پرسوئے ہوئے تین محنت کشوں کا لرزہ خیز قتل

فیصل آباد : فٹ پاتھ پرسوئے ہوئے تین محنت کشوں کوقتل کردیا گیا، ایک مقتول سزائے موت کے مقدمےمیں بری ہوا تھا۔ عدالت نے موت کی سزا ٹالی لیکن دشمنوں نے مار دیا۔

تفصیلات کے مطابق فیصل آباد میں تھانہ مدینہ ٹاون کے علاقے میں فُٹ پاتھ پر سوئےتین محنت کش پُرانی دشمنی کی بھینٹ چڑھ گئے.

کینال روڈ پر ہوٹل مالک غلام اصغر،مشتاق اور اکرم دکانوں کے باہر سورہے تھے کہ نا معلوم افراد نے ان تینوں کے سروں پر تیز دھار آلے سے وار کر کے موت کے گھاٹ اتاردیا۔ تاہم قتل؛ کی وجہ معلوم نہیں ہو سکی ہے.

پولیس کا کہنا ہے کہ مقتول اکرم پر دو افراد کے قتل کاالزام تھا ۔ ہائی کورٹ سے بری ہونے کے بعد وہ فیصل آباد آگیا تھا۔ پولیس کا خیال ہے کہ قتل اسی دشمنی کا نتیجہ ہے.

پولیس کا کہنا ہے کہ قتل ہونے والوں میں فیصل آباد کا رہائشی اکرم، ٹوبہ ٹیک سنگھ کا رہائشی غلام اصغر اور جڑانوالہ کا رہائشی مشتاق ہے، پولیس نے پوچھ گچھ کے لئے ایک شخص کو حراست میں لیا ہے.

پولیس نے تینوں افراد کی لاشیں قبضہ میں لے کر پوسٹ مارٹم کے لئے الائیڈ اسپتال منتقل کر دیں ہیں ،جبکہ ملزمان کی گرفتاری کے لئے دو ٹیمیں روانہ کر دی گئیں ہیں۔

 

Comments

comments

یہ بھی پڑھیں