فیصل آباد:جائیدادکاتنازعہ،3افراد قتل -
The news is by your side.

Advertisement

فیصل آباد:جائیدادکاتنازعہ،3افراد قتل

فیصل آباد: صوبہ پنجاب کےشہرفیصل آباد میں جائیداد کے تنازع پر مخالفین کی فائرنگ سے تین افراد جاں بحق اوردوزخمی ہوگئے۔

تفصیلات کےمطابق فیصل آباد میں تھانہ کھرڑیاں والا کے گاﺅں روڈا میں جمیل کا اسی گاﺅں کے قاری نامی رہائشی کے ساتھ جائیداد کا تنا زع چلا آ رہا تھا۔

جمعرات کی شب جمیل اپنے دوستوں کے ساتھ بیٹھا تھا کہ ملزمان نے ان پر اندھادھند فائرنگ شروع کر دی۔گولیاں لگنے سے جمیل،احسان اور رفاقت موقع پر ہی جاں بحق ہو گئے جبکہ دو افراد شدید زخمی ہو گئے۔

پولیس نے زخمیوں کو الائیڈ اسپتال منتقل کر دیا جبکہ لاشیں پوسٹ مارٹم کے لیے سول اسپتال جڑاں والا پہنچا دی گئیں۔

پولیس حکام کا کہناہے کہ فائرنگ کرنے والے تین ملزمان کو گرفتار کر لیاہےاور ملزمان سے تفتیش کی جارہی ہے۔

مزید پڑھیں:ملیر، فائرنگ سے ایک ہی خاندان کے تین افراد جاں بحق

واضح رہے کہ گزشتہ شب کراچی میں ملیر کے علاقے میمن گوٹھ میں نامعلوم افراد کی فائرنگ سے تین افراد کی جاں بحق ہو گئےتھے۔

Comments

comments

یہ بھی پڑھیں