The news is by your side.

Advertisement

فیصل آباد: لیڈی کانسٹیبل کے شوہر کو چالاکی مہنگی پڑ گئی

فیصل آباد: پنجاب کے شہر فیصل آباد کے علاقے مدینہ پارک میں ایک شخص کو اس کی چالاکی اس وقت مہنگی پڑ گئی جب اس کی کانسٹیبل بیوی نے اس کے خلاف زیادتی کا مقدمہ درج کروا دیا۔

تفصیلات کے مطابق مدینہ پارک فیصل آباد میں ایک لیڈی کانسٹیبل شاہدہ نے اپنے سابق شوہر کے خلاف ایف آئی آر کٹوائی ہے کہ وہ چوری چھپے طلاق مؤثر کروانے کے بعد بھی اس کے ساتھ رہتا رہا۔

پولیس کا کہنا ہے کہ مدینہ پارک کی رہائشی لیڈی کانسٹیبل شاہدہ نے الزام لگایا ہے کہ ملزم قمر نے 5 ماہ قبل چوری چھپے طلاق مؤثر کروائی، لیکن طلاق کے باوجود وہ حقوق زوجیت ادا کرتا رہا۔

لیڈی کانسٹیبل شاہدہ کی مدعیت میں تھانہ بٹالہ کالونی میں ملزم قمر کے خلاف زیادتی کا مقدمہ درج کر لیا گیا۔

فیصل آباد: تاجر کا اغوا

فیصل آباد پولیس کا کہنا ہے کہ سابق ایم پی اے کے بیٹے ارشد اور اے ایس آئی وقاص نے ایک تاجر عمیر کو اغوا کر لیا، ملزم ارشد اور وقاص نے عمیر پر تشدد کر کے اس سے 6 لاکھ روپے سے زائد رقم چھینی۔

پولیس کا کہنا ہے کہ ملزمان عمیر کوگاڑی میں لے کر گھومتے رہے، اور قتل کی دھمکیاں دیں، اے ایس آئی وقاص نے تھانہ سرگودھا روڈ میں جھوٹی رپورٹ بھی درج کی۔

پولیس کے مطابق تھانہ غلام محمد آباد میں اے ایس آئی سمیت 16 ملزمان کے خلاف مقدمہ درج کر لیا گیا۔

متاثرہ تاجر عمیر نے اپنے بیان میں کہا کہ مجسٹریٹ نے میرے خلاف جھوٹی رپورٹ خارج کر کے رہا کیا، پولیس نے مقدمے میں اغوا اور ڈکیتی کی دفعات شامل نہیں کیں۔

Comments

یہ بھی پڑھیں