The news is by your side.

Advertisement

مریم نواز کو کسی صورت بیرون ملک جانے کی اجازت نہیں دیں گے، فیصل واوڈا

اسلام آباد : وفاقی وزیر آبی وسائل فیصل واوڈا نے کہا ہے کہ مریم نواز کو کسی صورت ملک سے باہر جانے کی اجازت نہیں دیں گے، ہمارے پاس کوئی سیف الرحمان نہیں، کسی ادارے کو کام سے نہیں روکا۔

ان خیالات کا اظہار انہوں نے اے آروائی نیوز کے پروگرام پاور پلے میں میزبان ارشد شریف سے خصوصی گفتگو کرتے ہوئے کیا۔

فیصل واوڈا نے کہا کہ میرا مؤقف تھا مریم نواز کا نام ای سی ایل سے نہیں نکالنے دوں گا، ایک مرتبہ انسانیت دکھا چکے ہیں دوبارہ ایسا نہیں ہونے دیں گے، کابینہ نے فیصلہ کیا ہے کہ مریم نوازکا نام کسی صورت ای سی ایل سے نہیں نکالیں گے، نوازشریف کو طبی بنیادوں پرسہولت دی گئی گئی تھی جبکہ مریم نواز بیمار نہیں ہیں۔

فیصل واوڈا نے کہا کہ یہ کیا طریقہ ہے کہ امیر قیدی انگور کھارہا ہے اورغریب جیل میں ہے، عمران خان بھی واضح کہہ چکے ہیں کہ اب ایسی سہولت نہیں دیں گے، عدالت نام نکالنے کا فیصلہ دیتی ہے تو اس کو چیلنج کریں گے۔

انہوں نے کہا کہ پی پی رہنما نفیسہ شاہ نے بھی اعتراف کیا ہے کہ نوازشریف کرپٹ ہیں، ثابت ہوتا ہے کہ نوازشریف ایک مرتبہ پھرملک سے بھاگ گئے ہیں، بطور حکومت جو کرسکتے ہیں وہ کررہے ہیں۔

نوازشریف اور مریم نوازمجرمان ہیں جبکہ حسن نواز اور حسین نواز مفرور ملزمان ہیں، مفرور اشتہاریوں کو اسمبلی اور میڈیا میں آنے سے روکنے کیلئے قانون سازی ہورہی ہے۔

فیصل واوڈا نے کہا کہ آج شاہد خاقان نے قومی اسمبلی میں کون سی حلقے کےعوام کی بات کی؟ اسمبلی میں ایک ملزم آتا ہے اوردوسرے ملزم کی بات کرتا ہے، وفاقی وزیر کا شوگر ملز سے متعلق سوال پر کہنا تھا کہ اس حوالے سے پالیسی بنائی جارہی ہے۔

ہمارے پاس کوئی سیف الرحمان نہیں، کسی ادارے کو کام کرنے سے نہیں روکا، نیب ایک آزاد ادارہ ہے اور چیئرمین نیب تمام کیسز کو بخوبی دیکھ رہے ہیں، پی ٹی آئی کا کوئی شخص ملک سے باہر نہیں گیا۔

Comments

comments

یہ بھی پڑھیں