The news is by your side.

Advertisement

فیصل آباد: میاں بیوی کی پراسرار موت، بچوں نے کیا دیکھا؟

فیصل آباد: صوبہ پنجاب کے ضلع فیصل آباد میں میاں بیوی کی پر اسرار موت ہوئی ہے، واقعے کی تحقیقات شروع کردی گئی ہے۔

پولیس ذرائع کے مطابق فیصل آباد کے علاقے لوہکے میں گھر سے میاں بیوی کی لاشیں ملی ہیں، جن میں سے ایک لاش کی شناخت انتالیس سالہ کاشف کے نام سے ہوئی ہے۔

پولیس ذرائع کا کہنا ہے کہ مقتولین کے تین بیٹےاور ایک بیٹی ہے،بچےدوسرےکمرے میں سورہےتھے، صبح بچے بیدار ہوئے تو انہوں نے دلخراش منظر دیکھا اور فوری طور پر ہمسائے کو اطلاع دی، ہمسائے نے مدد کے لئے پولیس کو اطلاع دی۔

پولیس ذرائع کے مطابق ٹیم جب متاثرہ گھر میں پہنچی تو کاشف کی لاش فرش پر جبکہ خاتون کی لاش پنکھے سے لٹک رہی تھی، لاشوں کو ضابطے کی کارروائی کے لئے اسپتال منتقل کرتے ہوئے واقعے کی تحقیقات کا آغاز کردیا گیا ہے، میاں بیوی کی لاشیں ملنے پر اہل محلہ میں خوف وہراس پایا جاتا ہے۔

آئی جی پنجاب نے فیصل آباد میں میاں بیوی کے مبینہ قتل کے واقعہ کا نوٹس لے لیا ہے اور آر پی او فیصل آباد سےفوری رپورٹ طلب ،کرلی ہے، آئی جی پنجاب نے ملزمان کی گرفتاری کا حکم بھی دیا۔

یہ بھی پڑھیں:  کراچی میں بیوی نے سنگین الزامات پر شوہر کو قتل کر دیا

واضح رہے کہ گذشتہ روز کراچی میں قائد اعظم کالونی میں 3بیویوں کے شوہر کو پہلی بیوی نے فائرنگ کرکے قتل کردیا ، پولیس نے ملزمہ کو گرفتار کرکے آلہ قتل برآمد کرلیا تھا۔

Comments

یہ بھی پڑھیں