فیصل آباد: نوجوان کو کچلنے والا ڈرائیور بھائی سمیت گرفتار car driver arrest boy killing
The news is by your side.

Advertisement

فیصل آباد: نوجوان کو کچلنے والا ڈرائیور بھائی سمیت گرفتار

فیصل آباد : چند روز قبل فٹ پاتھ پر کھڑے طالب علموں کو کچلنے والے ملزم کو بھائی سمیت گرفتار کرلیا گیا۔

تفصیلات کے مطابق 27 اکتوبر کو فیصل آباد کے ایئرپورٹ روڈ پر کالج کے چند طالب علم سڑک پار کرنے کے لیے کھڑے تھے کہ تیز رفتاری کے سبب ایک کار بے قابو ہوکر فٹ پاتھ پر چڑھ دوڑی جس میں دو طلبا زخمی اور ایک 17 سالہ طالب علم حنظلہ جاں بحق ہوگیا تھا۔

یہ پڑھیں: تیز رفتار کار بے قابو، فٹ پاتھ پر طالب علم جاں بحق

حادثے کے بعد کار سوار افراد فرار ہوگئے تھے، اتفاق سے اس حادثے کی سی سی ٹی وی فوٹیج منظر عام پر آگئی جس میں سارا واقعہ دیکھا گیا، پولیس اور دیگر قانون نافذ کرنے والے ادارے اس گاڑی کی تلاش میں تھے بالآخر وہ گاڑی اور ملزمان بھی مل گئے جو تیز رفتاری سے گاڑی چلانے کے مرتکب ہوئے۔

ملزم عمران کار چلا رہا تھا، بھائی ساتھ بیٹھا تھا، پولیس

متعلقہ پولیس نے بتایا کہ گاڑی سے طالب علم کو کچلنے والا ملزم عمران اپنے بھائی سمیت گرفتار کرلیا گیا ہے، عمران کار چلا رہا تھا اور بھائی صدام ساتھ بیٹھا تھا، دونوں بھائیوں کو رینٹ اے کار کے مالک کی نشاندہی پر پکڑا گیا۔

پولیس کے مطابق 27 اکتوبر کو کار کی ٹکر سے 17سالہ حنظلہ جاں بحق اور قمر الحق زخمی ہوا تھا۔

حادثے کی ویڈیو:

یاد رہے کہ حادثے کے بعد کمیونٹی کالج کے طلبا نے ٹائر جلا کر جھنگ روڈ کر بلاک کردیا، سیکیورٹی انچارج نے زخمیوں کو اسپتال منتقل کرنے سے اپنی گاڑی دینے سے انکار کردیا تھا جس پر کالج انتظامیہ نے سیکیورٹی انچارج ناصر اور گیٹ پر تعینات سیکیورٹی گارڈ کو معطل کردیا۔

Comments

comments

یہ بھی پڑھیں