site
stats
کھیل

پاکستان کپ : کے پی کے نے سندھ کوسات رنز سے شکست دے دی

فیصل آباد : خیبرپختونخواہ نے سندھ کو سنسنی خیزمقابلے کےبعد سات رنز سے ہرا کرپاکستان کپ کے فائنل میں جگہ بنالی۔ پاکستان کپ میں سرفرازالیون کو پہلی شکست کا سامنا کرنا پڑا، احمدشہزاد کی ٹیم خیبرپختونخواہ ایونٹ کے فائنل میں پہنچ گئی۔

تفصیلات کے مطابق کے پی کے نے ٹاس جیت کر پہلے بیٹنگ کافیصلہ کیا۔ احمدشہزاد اورفخرزمان نے ایک سو چھہتررنزکاشاندارآغاز فراہم کیا۔ خیبرپختونخواہ نے احمد شہزاد کے ایک سو تینتالیس رنزکی بدولت چھ وکٹ پر تین سو انیس رنزبنائے۔

محمدعامر، رومان رئیس اوربلال آصف نے دو دو وکٹیں حاصل کیں۔ ہدف کے تعاقب میں سرفرازاحمدکا آغاز مایوس کن رہا۔ بائیس رنزکے اسکور پرسندھ کے ابتدائی تین بلے باز پویلین لوٹ گئے۔

فواد عالم اورخالد لطیف نے ایک سو چونسٹھ رنزکی شراکت جوڑ کر میچ کا نقشہ بدل دیا۔ فواد عالم چوہتررنزپر ہمت ہارگئے۔

خالد لطیف اکیلے بولرزکامقابلہ کرتے رہے،خالد لطیف کی ناٹ آؤٹ ایک سو اڑسٹھ رنز کی اننگز بھی ٹیم کو جیت نہ دلواسکی۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top